Produksjonsindeks for olje og gass, industri, bergverk og kraftforsyning, oktober 2005

Produksjonen av innsatsvarer gjekk ned 2,2 prosent. Dette hang saman med ein reduksjon i kjemiske råvarer, metallindustrien og i treforedling. Det har vore stans for vedlikehald i delar av produksjonen av kjemiske råvarer i oktober 2005, og produksjonen av ikkje-jernhaldige metall har hatt ein liten nedgang frå august til oktober samanlikna med månadene før. Aukande konkurranse og sviktande etterspurnad frå eksportmarknaden har verka inn på produksjonen i treforedling og av silisium gjennom 2005.

Investeringsvarer

Det var ein reduksjon på 1,5 prosent i produksjonen av investeringsvarer frå august til oktober samanlikna med månadene før. Transportmiddel- og maskinindustrien hadde ein nedgang, medan plattform- og metallvareindustrien hadde ein vekst. Aktiviteten knytt til landanlegg og feltutbygging på norsk kontinentalsokkel har halde fram å auke utover hausten 2005.

Konsumvarer

Norsk produksjon av konsumvarer gjekk ned med 1,7 prosent frå august til oktober samanlikna med månadene før. Nærings- og nytingsmiddelindustrien og møbelindustrien hadde ein nedgang, medan det var berre mindre endringar innanfor forlag og grafisk industri.

Sesongjusterte endringar

Sesongjusterte endringar i perioden august til oktober 2005 må vurderast opp mot endringane i mai til juli i år. Det var då ein klar auke i norsk industriproduksjon samanlikna med månadene før.

Tabeller