Produksjonsindeks for olje og gass, industri, bergverk og kraftforsyning, november 2005

Auken i investeringsvarer kom mellom anna frå plattform- og transportmiddelindustrien. Dette var knytt til ein ytterlegare vekst i verksemda på landanlegg og i feltutbyggingar på norsk sokkel og i eksportretta produksjon i plattformnæringa elles. Produksjonen i næringa auka med 6,2 prosent frå september til november 2005, samanlikna med månadene før. Veksten i transportmiddelindustrien hang saman med bygginga av skip ut frå den gode ordresituasjonen for norske skipsverft i 2005. Det var elles ein auke i metallvareindustrien og i elektrisk og optisk industri.

Nedgang i innsatsvarer

Det var ein nedgang på 0,8 prosent i produksjonen av innsatsvarer frå september til november 2005, samanlikna med perioden frå juni til august. Konkurranse- og marknadstilhøve har verka klart negativt inn på produksjonen i delar av metallindustrien og i treforedling gjennom siste periode. Produksjonen av ikkje-jarnhaldige metall og kjemiske råvarer har også hatt ein nedgang, medan trelast- og trevareindustrien har hatt ein liten auke.

Små endringar for konsumvarer

Produksjonen av konsumvarer hadde ein auke på 0,6 prosent frå september til november 2005, samanlikna med månadene før. Det var nedgang i møbelindustrien, medan forlag og grafisk industri hadde ein liten vekst. Aktiviteten i norsk næringsmiddelindustri var om lag uendra.

Tabeller