Innhald
Publisert:
Du er inne i ei arkivert publisering.
Klar auke i industriproduksjonen
Det var ein auke på 3,8 prosent i norsk industriproduksjon frå november 2005 til januar 2006 samanlikna med dei tre månadene før, viser sesongjusterte tal. Dette var knytt til ein klar vekst i produksjonen av investeringsvarer og innsatsvarer.
Produksjonen av investeringsvarer hadde ein auke på 5,6 prosent. Dette var knytt til den aukande verksemda i norsk skipsindustri og det høge aktivitetsnivået på landanlegg og i feltutbygging på norsk kontinentalsokkel. Dette har gitt klare ringverknader til resten av verkstadnæringane.
Innsatsvarer
Det var ein vekst på 4,1 prosent i produksjonen av innsatsvarer frå november 2005 til januar 2006 samanlikna med dei tre månadene før. Dette hang saman med ein auke i treforedling og trelast- og trevareindustrien, mens det var ein liten nedgang i produksjonen i ikkje-jernhaldige metall.
Konsumvarer
Norsk produksjon av konsumvarer hadde ein auke på 3,1 prosent frå november i fjor til januar i år samanlikna med dei tre månadene før. Desse endringane kom etter ein vekst i produksjonen i næringsmiddelindustrien og i forlag og grafisk industri.
Industriproduksjonen i eurosona
Norsk industriproduksjon hadde ein auke på 4,1 prosent frå desember 2004 til desember 2005, viser vekekorrigerte tal frå produksjonsindeksen for industrien. Statistikk frå Eurostat viser at industriproduksjonen i land i eurosona hadde ein auke på 2,5 prosent i same tidsrom.
| Produksjonsindeksen for industrien. Januar 2006. Prosentvis endring |
| Vekekorrigert 1 | Sesongjustert | ||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Januar 2005-januar 2006 | November 2004-januar 2005-november 2005-januar 2006 | Desember 2005-januar 2006 | August 2005-oktober 2005-november 2005-januar 2006 | ||||||||||||||||||||||||||||||||||||
| Totalindeksen | 3,8 | 2,5 | 0,3 | -0,5 | |||||||||||||||||||||||||||||||||||
| Olje- og gassutvinning | 1,1 | 0,4 | -0,2 | -3,5 | |||||||||||||||||||||||||||||||||||
| Industri | 6,1 | 4,6 | 1,2 | 3,8 | |||||||||||||||||||||||||||||||||||
| Kraftforsyning | 11,2 | 18,9 | -0,7 | 10,8 | |||||||||||||||||||||||||||||||||||
| Etter varetype | |||||||||||||||||||||||||||||||||||||||
| Innsatsvarer | 5,8 | 3,3 | 3,2 | 4,1 | |||||||||||||||||||||||||||||||||||
| Investeringsvarer | 9,6 | 8,2 | 0,5 | 5,6 | |||||||||||||||||||||||||||||||||||
| Konsumvarer | 3,1 | 2,7 | -1,7 | 3,1 | |||||||||||||||||||||||||||||||||||
| Energivarer | 3,0 | 2,7 | 0,5 | -2,1 | |||||||||||||||||||||||||||||||||||
| 1 | Omrekna til standardmånad og korrigert for ulike tal arbeidsdagar per veke. |
Tabeller
Finn fleire tal
Finn detaljerte tal frå Produksjonsindeksen for olje og gass, industri, bergverk og kraftforsyning
Kontakt
-
Produksjon og omsetning
E-post: prodoms@ssb.no