Innhald
Publisert:
Du er inne i ei arkivert publisering.
Vekst i industriproduksjonen
Industriproduksjonen i Noreg voks med 2,6 prosent frå desember 2005 til februar 2006 samanlikna med dei tre månadene før, viser sesongjusterte tal. Dette var knytt til ein auke i produksjonen av investeringsvarer og innsatsvarer.
Produksjonen av investeringsvarer hadde ein vekst på 4,2 prosent. Det var framleis ein auke i norsk skipsindustri og i aktiviteten på landanlegg og feltutbygging på norsk kontinentalsokkel. Dette har gjeve klare ringverknader til resten av verkstadnæringane.
Auke i metallindustrien
Det var ein vekst på 3,7 prosent i produksjonen av innsatsvarer frå desember 2005 til februar 2006 samanlikna med dei tre månadene før. Dette hang saman med ein auke innanfor metallindustrien, medan det var ein mindre vekst i treforedling.
Norsk produksjon av konsumvarer hadde ein auke på 1,1 prosent frå desember i fjor til februar i år samanlikna med månadene før. Dette kom etter ein vekst i næringsmiddelindustrien og i forlag og grafisk industri.
Norsk industriproduksjon hadde ein auke på 6,3 prosent frå januar 2005 til januar 2006, viser vekekorrigerte tal frå produksjonsindeksen for industrien. Statistikk frå Eurostat viser at industriproduksjonen i land i eurosona hadde ein auke på 2,5 prosent i same tidsrom.
Produksjonsindeksen for januar 2006
Ny informasjon har gjort det nødvendig å berekne tal for januar 2006 på nytt saman med publiseringa av tal for februar 2006.
| Produksjonsindeksen for industrien. Februar 2006. Prosentvis endring |
| Vekekorrigert 1 | Sesongjustert | ||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Februar 2005-februar 2006 | Desember 2004-februar 2005-desember 2005-februar 2006 | Januar-februar 2006 | September 2005-november 2005-desember 2005-februar 2006 | ||||||||||||||||||||||||||||||||||||
| Totalindeksen | 0,5 | 2,3 | -1,1 | 0,1 | |||||||||||||||||||||||||||||||||||
| Olje- og gassutvinning | -2,1 | 0,1 | -0,7 | -2,0 | |||||||||||||||||||||||||||||||||||
| Industri | 4,1 | 4,9 | -1,4 | 2,6 | |||||||||||||||||||||||||||||||||||
| Kraftforsyning | -0,5 | 11,6 | -2,2 | 8,4 | |||||||||||||||||||||||||||||||||||
| Etter varetype | |||||||||||||||||||||||||||||||||||||||
| Innsatsvarer | 4,2 | 3,9 | -2,1 | 3,7 | |||||||||||||||||||||||||||||||||||
| Investeringsvarer | 9,2 | 8,7 | -0,4 | 4,2 | |||||||||||||||||||||||||||||||||||
| Konsumvarer | -0,2 | 2,6 | -3,3 | 1,1 | |||||||||||||||||||||||||||||||||||
| Energivarer | -1,6 | 1,6 | -1,2 | -0,8 | |||||||||||||||||||||||||||||||||||
| 1 | Omrekna til standardmånad og korrigert for ulike tal arbeidsdagar per veke. |
Tabeller
Finn fleire tal
Finn detaljerte tal frå Produksjonsindeksen for olje og gass, industri, bergverk og kraftforsyning
Kontakt
-
Produksjon og omsetning
E-post: prodoms@ssb.no