Innhald
Publisert:
Du er inne i ei arkivert publisering.
Liten nedgang i industrien
Det har vore ein nedgang på 0,9 prosent i industriproduksjonen frå februar til april i år samanlikna med dei tre månadene før, viser sesongjusterte tal.
Det var ein nedgang på 4,8 prosent i produksjonen av konsumvarer. Dette var knytt til næringsmiddelindustrien og ein lågare produksjon av kjøt- og fiskevarer. Forlag og grafisk industri og møbelindustrien hadde også ein liten tilbakegang.
Produksjonen av innsatsvarer gjekk ned med 1,1 prosent frå februar til april i år samanlikna med månadene før. Dette hang saman med ein nedgang i til dømes treforedling og i trelast- og trevareindustrien, medan produksjonen av ikkje-jarnhaldige metall hadde ein klår auke.
Det var ein auke på 0,5 prosent i produksjonen av investeringsvarer frå februar til april i år samanlikna med månadene før. Det var framleis vekst innanfor næringar som transportmiddelindustrien og i oljeplattformer, medan elektroteknisk og optisk industri hadde ein nedgang i produksjonen.
Norsk industriproduksjon hadde ein auke på 4,7 prosent frå mars 2005 til mars 2006, viser vekekorrigerte tal frå produksjonsindeksen for industrien. Statistikk frå Eurostat viser at industriproduksjonen i land i eurosona hadde ein auke på 3,8 prosent i same tidsrom.
Sesongjusterte endringstal
Sesongjusterte endringstal frå mars til april i år må tolkast med varsemd og dei må setjast i samanheng med endringane frå februar til mars 2006.
| Produksjonsindeksen for industrien. April 2006. Prosentvis endring |
| Vekekorrigert 1 | Sesongjustert | ||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| April 2005- april 2006 | Januar 2005-april 2005- januar 2006-april 2006 | Mars 2006- april 2006 | November 2005-januar 2006- februar 2006-april 2006 | ||||||||||||||||||||||||||||||||||||
| Totalindeksen | -7,5 | -0,5 | -2,1 | -1,7 | |||||||||||||||||||||||||||||||||||
| Olje- og gassutvinning | -9,8 | -2,8 | -2,2 | -1,6 | |||||||||||||||||||||||||||||||||||
| Industri | -0,3 | 3,8 | -1,5 | -0,9 | |||||||||||||||||||||||||||||||||||
| Kraftforsyning | -9,2 | -0,6 | -3,6 | -6,0 | |||||||||||||||||||||||||||||||||||
| Etter varetype | |||||||||||||||||||||||||||||||||||||||
| Innsatsvarer | -0,3 | 3,9 | -1,3 | -1,1 | |||||||||||||||||||||||||||||||||||
| Investeringsvarer | 6,5 | 8,5 | 0,0 | 0,5 | |||||||||||||||||||||||||||||||||||
| Konsumvarer | -6,0 | -0,8 | -3,7 | -4,8 | |||||||||||||||||||||||||||||||||||
| Energivarer | -11,1 | -2,4 | -2,4 | -2,2 | |||||||||||||||||||||||||||||||||||
| 1 | Omrekna til standardmånad og korrigert for ulike tal arbeidsdagar per veke. |
Tabeller
Finn fleire tal
Finn detaljerte tal frå Produksjonsindeksen for olje og gass, industri, bergverk og kraftforsyning
Kontakt
-
Produksjon og omsetning
E-post: prodoms@ssb.no