Produksjonsindeks for olje og gass, industri, bergverk og kraftforsyning, august 2006

Innan investeringsvarer har plattform- og metallvareindustrien har hatt ein ny auke i produksjonen. Dette var knytt til den høge aktiviteten på landanlegg og i feltutbygging på norsk kontinentalsokkel. Produksjonen i elektroteknisk og optisk industri har også vakse, medan maskinindustrien har hatt ein liten nedgang.

Produksjonen av konsumvarer gjekk opp med 1,8 prosent frå juni til august samanlikna med dei tre månadene før. Dette hang saman med ein oppgang innan norsk næringsmiddelindustri, medan produksjonen i norsk møbelindustri gjekk ned.

Nedgang for innsatsvarer

Det var ein nedgang på 0,4 prosent i produksjonen av innsatsvarer frå juni til august samanlikna med perioden før. Marknads- og konkurransetilhøve verka framleis negativt inn på produksjonen i treforedling og delar av metallindustrien som gjekk ned i denne siste perioden. Gummivare- og plastindustrien og produksjonen av kjemiske råvarer hadde ein liten auke.

Norsk industriproduksjon hadde ein auke på 0,2 prosent frå juni til august i år samanlikna med dei tre månadene før. Endringane i produksjonen av innsatsvarer har hatt størst innverknad på dette.

Sesongjustering

Sesongjustering av seriar for hovudaggregat, som til dømes industrien, skjer direkte i produksjonsindeksen. Dette er etter tilråding frå det europeiske statistikksamarbeidet som Noreg er ein del av. Sesongmønsteret til ein slik serie kan vere noko annleis enn til dømes i seriar etter varetypar.

Norsk industri samanlikna med eurosona

Norsk industriproduksjon hadde ein vekst på 2,6 prosent frå juli 2005 til juli 2006, viser vekekorrigerte tal frå produksjonsindeksen for industrien. Statistikk frå Eurostat viser at industriproduksjonen i land i eurosona hadde ein oppgang på 3,2 prosent i same tidsrom.

Tabeller