Produksjonsindeks for olje og gass, industri, bergverk og kraftforsyning, mars 2008

Produksjonen av investeringsvarer hadde ein oppgang på 4,1 prosent i 1. kvartal 2008 samanlikna med 4. kvartal 2007. Dette var knytt til vekst i maskin- og transportmiddelindustrien. Metallvare- og plattformindustrien hadde også ein auke, medan det berre var mindre endringar i elektroteknisk og optisk industri. Det er den sterke ordresituasjonen over fleire år for norsk verkstadindustri og skip og plattformer som har gjeve grunnlaget for dette.

Innsatsvarer og konsumvarer

Det var ein nedgang på 1,8 prosent i produksjonen av innsatsvarer i det første kvartalet av 2008 samanlikna med det siste kvartalet i 2007. Produksjonen i trelast- og trevareindustrien, kjemiske råvarer og metallindustrien gjekk ned, medan det var auke i mineralprodukt- og gummi- og plastindustrien.

Produksjonen av konsumvarer gjekk opp med 0,5 prosent i 1. kvartal i år samanlikna med siste kvartalet i fjor. Dette var knytt til ein liten auke i nærings- og nytingsmiddelindustrien. I forlag og grafisk industri var det ein nedgang i produksjonen.

Nedgang sidan mars 2007

Virkedagskorrigerte tal viser at produksjonen i industrien gjekk ned med 0,4 prosent i mars 2008 samanlikna med mars 2007. Investeringsvarer hadde ein auke på 6,6 prosent, medan innsatsvarer og konsumvarer gjekk ned med høvesvis 4,4 og 4,5 prosent.

Norsk industri samanlikna med eurosona

Norsk industriproduksjon hadde ein oppgang på 3,8 prosent i februar 2008 samanlikna med februar 2007, viser virkedagskorrigerte tal. Statistikk frå Eurostat viser at industriproduksjonen i land i eurosona hadde ein vekst på 3,2 prosent i det same tidsrommet.

Tabeller