Produksjonsindeks for olje og gass, industri, bergverk og kraftforsyning, juli 2008

Produksjonen av investeringsvarer hadde ein vekst på 6,4 prosent i denne siste perioden. Dette var knytt til ytterlegare oppgang i oljeplattformer og maskinindustrien grunna dei store investeringane på norsk sokkel og dei høge ordrereservane i norsk industri i 2008. Dette gav også grunnlag for vidare vekst i transportmiddel- og metallvareindustrien, og i elektroteknisk og optisk industri.

Vekst i produksjonen av innsatsvarer

Det var ein sesongjustert auke i produksjonen av innsatsvarer på 2,0 prosent frå mai til og med juli i år, samanlikna med dei tre føregåande månadene. Kjemiske råvarer og ikkje-jarnhaldige metall hadde ein vekst, medan det var ein nedgang i produksjonen i treforedling og i trelast- og trevareindustrien.

Produksjonen av konsumvarer gjekk ned med 3,5 prosent frå mai til og med juli 2008 samanlikna med månadene før. Dette var knytt til ein nedgang i norsk næringsmiddelindustri grunna ein noko lågare eksport av fisk enn tidlegare i år, medan produksjonen i forlag og grafisk industri hadde ein vekst.

Uendra frå juni til juli 2008

Sesongjusterte tal viser at norsk industriproduksjon var om lag uendra frå juni til juli i år. For investeringsvarer gjekk produksjonen opp med 4,1 prosent, medan det var ein liten nedgang i konsumvarer og innsatsvarer.

Vekst sidan juli 2007

Vyrkedagskorrigerte tal viser at produksjonen i industrien har gått opp med 3,7 prosent i juli 2008 samanlikna med juli 2007. Produksjonen av investeringsvarer har då hatt ein markert auke på 19,0 prosent, medan det var ein nedgang på 4,8 prosent i produksjonen av konsumvarer i det same tidsrommet.

Norsk industri samanlikna med eurosona

Norsk industriproduksjon hadde ein oppgang på 4,7 prosent i juni 2008 samanlikna med juni 2007, viser vyrkedagskorrigerte tal. Statistikk frå Eurostat viser at industriproduksjonen i land i eurosona hadde ein nedgang på 0,8 prosent i det same tidsrommet.

Tabeller