Jordbruksareal og husdyr (opphørt), 31. juli 2006, førebelse tal

Dette går fram av førebelse tal frå bøndenes søknader om produksjonstilskott i jordbruket.

Samla jordbruksareal i drift endra seg lite frå 2005 til 2006 og ligg på 10,2 millionar dekar. Fulldyrka jordbruksareal viste ein svak nedgang og utgjorde 8,5 millionar dekar i 2006.

Samla kornareal gjekk noko ned frå 2005 til 2006. Medan arealet av kveite auka med 5 prosent, til 847 800 dekar, gjekk arealet av bygg ned med 7 prosent, til 1,5 millionar dekar.

Frå 2005 til 2006 auka talet på alssvin med 2 500, til 101 100. Talet på mjølkegeit gjekk ned med vel 4 prosent, til 42 500, medan talet på sau over 1 år blei redusert med 3 prosent, til 919 700.

Færre mjølkekyr og fleire alssvin

Sidan 1997 har talet på mjølkekyr blitt redusert med om lag 25 000, ein nedgang tilsvarande 7 prosent. Talet på alssvin har gått ned med 12 prosent i perioden, medan talet på mjølkegeit er redusert med ein fjerdedel.

I perioden 1997 til 2006 auka engarealet med vel 400 000 dekar eller nærare 7 prosent, til 6,52 millionar dekar. Størsteparten av auken skuldast større areal av innmarksbeite: frå 1,08 til 1,45 millionar dekar.

Arealet av åker og hage gjekk ned med knapt 8 prosent til 3,67 millionar dekar i tiårsperioden. Kornarealet har vore stabilt og lege ikring 3,1-3,2 millionar dekar. Potetarealet blei redusert med 21 prosent i den same perioden. Det var og ein kraftig reduksjon i arealet av grønfôr- og silovekstar, og arealet er meir enn halvert.

Økologisk drift

I 2002 dreiv 1 400 av i alt 58 600 jordbruksbedrifter økologisk. Desse bedriftene dreiv 2,3 prosent av det totale jordbruksarealet. I 2006 var det 2 100 bedrifter med økologisk drift, og desse dreiv eit areal på 372 900 dekar. Dette tilsvarar 3,7 prosent av totalt jordbruksareal i drift.

På dei økologisk drivne einingane var det til saman 23 000 storfe i 2006. Av desse var 6 000 mjølkekyr og 3 400 ammekyr. Dette er om lag dobbelt så mange som i 2002, da det fanst 3 100 økologiske mjølkekyr og 1 300 økologiske ammekyr. Talet på økologiske mjølkegeiter auka frå 800 i 2002 til vel 1 000 i 2006.

Tabeller:

• Tabell 1 Jordbruksareal, etter bruken.1997-2006*.
• Tabell 2 Husdyr, 1997-2006*.
• Tabell 3 Jordbruksareal, etter fylke og bruken av arealet
• Tabell 4 Jordbruksbedrifter med økologisk drift og økologisk godkjent drive jordbruksareal . 2002-2006*
• Tabell 5 Husdyrhald på økologisk drive jordbruksbedrifter. 2002-2006*