240789_not-searchable
/jord-skog-jakt-og-fiskeri/statistikker/lu/aar-forelopige
240789
Nedgang i investeringane i jordbruket
statistikk
2016-02-17T10:00:00.000Z
Jord, skog, jakt og fiskeri
no
lu, Landbruksundersøkinga, jordbruk, hagebruk, skogbruk, gardsbruk, tilleggsnæringar (for eksempel campingplassar, jakt- og fiskerettar, utleigeverksemd), arbeidsinnsats, vedlikehald, maskinar og reiskapar, energibruk, investeringarJordbruk, Jord, skog, jakt og fiskeri
false
Utgifter til investeringar og vedlikehald av driftsbygningar, maskinar og reiskapar.

Landbruksundersøkinga, 2015, førebelse tal

Variantar av denne statistikken:

Innhald

Publisert:

Du er inne i ei arkivert publisering.

Gå til den nyaste publiseringa

Nedgang i investeringane i jordbruket

Førebelse tal frå Landbruksundersøkinga viser at 13 prosent av jordbruksbedriftene investerte i driftsbygningar i 2014, ein nedgang på 2 prosentpoeng frå 2011. Gjennomsnittleg investert beløp per bedrift som investerte, gjekk likevel opp.

Investering i driftsbygningar og maskiner og reiskap for jord- og hagebruk. Faste 2014-kronerPublisert 17. februar 2016
20142011
Jordbruksbedrifter i alt41 80044 800
Jordbruksbedrifter med investering i driftsbygningar (prosent)1315
Investering per jordbruksbedrift som har investert (kr)601 000583 000
Jordbruksbedrifter med investering i maskiner og reiskap (prosent)3132
Investering per jordbruksbedrift som har investert (kr)196 000229 000

Kilde: Statistisk sentralbyrå

SSB har berekna at det blei investert 3,2 milliardar kroner i driftsbygningar i jord- og hagebruk i 2014. Rekna i 2014-kroner er det ein nedgang på 760 millionar kroner eller 19 prosent frå 2011. Rekna om til prisnivået i 2014 var investert beløp per bruk 600 000 kroner i 2014 mot 583 000 kroner i 2011.

I tillegg blei det betalt leasing for driftsbygningar og bygningsinventar på til saman 98 millionar kroner i 2014.

Jordbruksbedrifter med driftsforma storfe mjølkeproduksjon sto for 29 prosent av dei samla investeringane i driftsbygningar. Rekna per bedrift med investering var det driftsforma svin og fjørfe som låg høgast, med 972 000 kroner. Minst investering per bedrift hadde driftsformene sau samt korn- og oljevekstar.

Det blei investert 2,5 milliardar kroner i maskiner og reiskapar i 2014, ein nedgang på knapt 23 prosent frå 2011, rekna i 2014-kroner. Gjennomsnittleg investert beløp gjekk ned frå 229 000 kroner til 196 000 kroner i same perioden.

17 prosent av jordbruksbedriftene betalte leasingleige for maskinar og reiskap. Totalt betalte jordbruksbedriftene om lag 741 millionar kroner i leasingleige i 2014. Rekna om til 2014-kroner var tilsvarande beløp 725 millionar kroner i 2011 og 718 millionar i 2008. Gjennomsnittleg leasingleige var 103 000 kroner per bedrift med leasing i 2014, omtrent det same som i 2009 og 2011. 

Meir til vedlikehald

Knapt 80 prosent av jordbruksbedriftene hadde utgifter til vedlikehald av driftsbygningar i 2014. Utgiftene utgjorde i alt 1,5 milliardar kroner, ein auke på 33 prosent frå 2011, rekna i 2014-kronar. Utgiftene per jordbruksbedrift med utført vedlikehald auka frå 31 000 kroner i 2011 til 47 000 kroner i 2014. 

Samla energiforbruk ned

Det totale forbruket av elektrisk energi, så vel som forbruk per bedrift, gjekk ned frå 2011 til 2014. I 2014 blei det brukt 929 millionar kWh, medan det i 2011 blei brukt 982 millionar kWh. Rekna per jordbruksbedrift blei det i 2014 brukt 22 000 kWh, mot 23 000 i 2011.

Det totale forbruket av diesel i jord- og hagebruk var 124 millionar liter i 2014, ein nedgang på 7,9 millionar liter frå 2011. Forbruket av diesel per jordbruksbedrift var 3 200 liter i 2014. Energiforbruk i veksthus er ikkje inkludert i desse tala.