Kjøtproduksjon, 1. halvår 2003, førebelse tal

Det blei kontrollert 121 200 tonn kjøt i 1. halvår 2003, ein auke på 0,5 prosent samanlikna med 1. halvår 2002. Det var slakt av fjørfe og svin som stod for auken, med respektive 2 000 og 300 tonn, medan det har vore ein nedgang i slaktemengda for dei andre kjøtslaga.

Nedgang for saue- og storfekjøt

Av det kontrollerte slaktet i 1. halvår i år utgjorde svinekjøt 50 700 tonn, storfekjøt 42 700 tonn, fjørfekjøt 24 600 tonn og sauekjøt 2 800 tonn. Samanlikna med same periode i fjor har det vore ein nedgang i slaktemengda av sau og storfe med respektive 5 og 3 prosent.

Mest kjøt i Rogaland

Det blei kontrollert mest kjøt i Rogaland med 23 300 tonn i 1. halvår i år. Dette utgjer 19 prosent av den totale kjøtproduksjonen. I same periode blei det kontrollert minst kjøt i Aust-Agder og Finnmark.

Auka produksjon frå 1998 til 2003

Samanlikna med 1. halvår 1998 har den totale kjøtproduksjonen gått opp med 4 prosent, frå 117 000 tonn i 1998 til 121 200 tonn i 2003. I denne perioden har produksjonen av fjørfekjøt auka relativt mest. Det blei kontrollert 15 300 tonn fjørfekjøt i 1. halvår 1998, medan det blei kontrollert 24 600 tonn i 1. halvår 2003. Dette gir ein auke i produksjonen på 60 prosent.

Tabeller:

• Tabell 1 Offentleg kjøtkontroll. Slakt godkjende til folkemat. 1. halvår. Tonn
• Tabell 2 Offentleg kjøtkontroll. Slakt godkjende til folkemat. 1. halvår. Tal dyr