Campingstatistikk, desember 2001

Trafikken frå den aller største utanlandsmarknaden i 2001, Tyskland, gjekk ned med 4 prosent, medan trafikken frå den nest største utanlandsmarknaden, Nederland, auka med 3 prosent. Overnattingar frå både Storbritannia og Frankrike auka i 2001, med høvesvis 27 og 3 prosent i forhold til 2000.

I 2001

har det vore 7,12 millionar overnattingar ved campingplassane, mot 7,15 millionar overnattingar i 2000. Talet på norske overnattingar var om lag uendra, medan utanlandske overnattingar gjekk ned med om lag 1 prosent samanlikna med i 2000.

Lågare kapasitet

For heile året 2001 var det 890 campingplassar som hadde ope ein eller annan månad i 2001. Dette var 30 plassar færre enn i 2000. Talet på hytter var òg redusert frå 13 167 i 2000 til 12 828 i 2001.

I desember

auka talet på overnattingar frå 91 000 i desember 2000 til 113 000 i desember 2001. Innanlandstrafikken auka med 28 prosent, medan utanlandstrafikken tvert imot gjekk ned med nesten 3 prosent.

Færre plassar, høgare kapasitet

I desember 2001 var det 240 opne campingplassar mot 244 plassar i desember 2000. Talet på hytter/rom auka frå 4 120 i desember 2000 til 4 136 i desember 2001.

Tabeller

• Tabell 1 Campingplassar. Talet på campingplassar, etter månad og fylke. 2001
• Tabell 2 Campingplassar. Overnattingar, etter gjestane sin nasjonalitet og fylke. Desember 2001
• Tabell 3 Campingplassar. Overnattingar, etter gjestane sin nasjonalitet og fylke. Januar-desember 2001 (Rettet 12. februar 2002)
• Tabell 4 Campingplassar. Overnattingar, etter overnattingsmåte og fylke. Desember 2001
• Tabell 5 Campingplassar. Overnattingar, etter overnattingsmåte og fylke. Januar-desember 2001 (Rettet 12. februar 2002)
• Tabell 6 Campingplassar. Overnattingar, etter overnattingsmåte og månad. 2001