Overnattingar, september 2002

Tyskland var den absolutt største utanlandsmarknaden i september med 78 000 overnattingar. Talet på tyske overnattingar steig med 3 prosent samanlikna med september i 2001. Og som for august, var det særleg på campingplassane at auken kom.

Sverige er den nest største marknaden i september med 58 000 overnattingar. Talet på svenske overnattingar gjekk ned med 4 prosent. Det var nedgang for alle overnattingsformer med unntak av hyttegrender, der talet på svenske overnattingar auka med heile 38 prosent, til 2 200 overnattingar.

Etter årets ni første månader, har det vore 20,98 millionar overnattingar ved dei kommersielle overnattingsstadene i Noreg, 0,7 prosent fleire enn i fjor. Talet på utanlandske overnattingar blei redusert med 0,7 prosent, medan talet på norske overnattingar auka med 1,3 prosent.

Hotella dominerer

I september var tre fjerdedelar hotellovernattingar. Campingplassar stod for 23 prosent av det totale talet på overnattingar, medan hyttegrender og medlemsbedrifter i Norske Vandrerhjem til saman stod for om lag 2 prosent av overnattingane denne månaden.

Stor auke for camping

Ved campingplassane var det 404 000 overnattingar i september, ein auke på 13 prosent frå september 2001. Talet på norske overnattingar gjekk opp med 14 prosent, medan talet på dei utanlandske steig med 8 prosent.

Til og med september i år, har campingplassane hatt 7,04 millionar overnattingar, ein auke på 5 prosent. Talet på norske overnattingar auka med 6 prosent, medan det var 2 prosent fleire frå utlandet.

Auke også for hyttegrendene

Hyttegrendene hadde 41 000 overnattingar i september, 9 prosent fleire enn i september i fjor. Den norske marknaden styrka seg med 12 prosent, medan talet på den utanlandske auka med 6 prosent.

Hittil år har det vore 429 000 overnattingar ved norske hyttegrender, ein auke på over 5 prosent frå i fjor. Talet på norske overnattingar har auka med 1 prosent, medan talet på utanlandske overnattingar gjekk opp med 8 prosent.

Tabeller:

• Tabell 1 Campingplassar. Talet på campingplassar, etter månad og fylke. 2002
• Tabell 2 Campingplassar. Overnattingar, etter gjestene sin nasjonalitet og fylke. September 2002
• Tabell 3 Campingplassar. Overnattingar, etter gjestene sin nasjonalitet og fylke. Januar-september 2002
• Tabell 4 Campingplassar. Overnattingar, etter overnattingsmåte og fylke. September 2002
• Tabell 5 Campingplassar. Overnattingar, etter overnattingsmåte og fylke. Januar-september 2002
• Tabell 6 Campingplassar. Overnattingar, etter overnattingsmåte og månad. 2002
• Tabell 7 Hyttegrender. Talet på bedrifter, etter månad og fylke. 2002
• Tabell 8 Hyttegrender. Overnattingar, etter gjestene sin nasjonalitet og fylke. September 2002
• Tabell 9 Hyttegrender. Overnattingar, etter gjestene sin nasjonalitet og fylke. Januar-september 2002
• Tabell 10 Overnattingar, etter gjestene sin nasjonalitet og bedriftsgruppe. September 2002
• Tabell 11 Overnattingar, etter gjestene sin nasjonalitet og bedriftsgruppe. Januar-september 2002