Overnattingar, juli 2003

Talet på utanlandske overnattingar gjekk ned frå 1,9 millionar i juli i fjor til 1,8 millionar i juli i år. Nederland var det einaste av dei større utanlandske marknadene som auka. Talet på både danske, svenske og tyske overnattingar gjekk ned samanlikna med juli i fjor.

Auke for campingplassane og hyttegrendene

Talet på overnattingar ved hyttegrendene auka med 17 prosent, medan talet på overnattingar ved campingplassane auka med 1,6 prosent. Auken for hyttegrendene har samanheng med at enkelte større hyttegrender som tidlegare var i hotellstatistikken, er overførte til hyttegrendstatistikken. Hotella og vandrarheimane gjekk tilbake.

Nordmenn dominerar i juli

Litt færre enn to av tre overnattingar ved kommersielle overnattingsstader er norske. Denne delen varierer overnattingstypane imellom, frå 37 prosent norske overnattingar ved vandrarheimane til nesten 70 prosent ved campingplassane.

Færre overnattingar til og med juli

Etter årets sju første månader, har det vore 15,1 millionar overnattingar ved kommersielle norske overnattingsstader. Dette er ein nedgang på vel 3 prosent samanlikna med same periode i fjor. Det har vore nedgang for campingplassane, hotella og for vandrarheimane medan hyttegrendene har auka.

Liten nedgang i Sverige

Talet på overnattingar ved svenske overnattingsbedrifter var i juli i år 3,9 millionar, viser tal frå Statistiska centralbyrån i Sverige. Det er ein liten nedgang samanlikna med juli i fjor.

Noreg var i juli den største utanlandsmarknaden i Sverige med 344 900 overnattingar. Norske overnattingar gjekk ned. Som i Noreg, var Nederland den marknaden med størst auke, medan talet på tyske overnattingar gjekk ned.

Tabeller:

• Tabell 1 Campingplassar. Talet på campingplassar, etter månad og fylke. 2003
• Tabell 2 Campingplassar. Overnattingar, etter gjestene sin nasjonalitet og fylke. Juli 2003
• Tabell 3 Campingplassar. Overnattingar, etter gjestene sin nasjonalitet og fylke. Januar-juli 2003
• Tabell 4 Campingplassar. Overnattingar, etter overnattingsmåte og fylke. Juli 2003
• Tabell 5 Campingplassar. Overnattingar, etter overnattingsmåte og fylke. Januar-juli 2003
• Tabell 6 Campingplassar. Overnattingar, etter overnattingsmåte og månad. 2003
• Tabell 7 Hyttegrender. Talet på bedrifter, etter månad og fylke. 2003
• Tabell 8 Hyttegrender. Overnattingar, etter gjestene sin nasjonalitet og fylke. Juli 2003
• Tabell 9 Hyttegrender. Overnattingar, etter gjestene sin nasjonalitet og fylke. Januar-juli 2003
• Tabell 10 Overnattingar, etter gjestene sin nasjonalitet og bedriftsgruppe. Juli 2003
• Tabell 11 Overnattingar, etter gjestene sin nasjonalitet og bedriftsgruppe. Januar-Juli 2003