Overnattingar, november 2003

Talet på utanlandske overnattingar gjekk ned frå 153 000 i november i 2002 til 148 000 i november i 2003. Dei tre største utanlandsmarknadene, Sverige, Storbritannia og Danmark, gjekk alle ned. Sverige gjekk ned med 13 prosent, Storbritannia ned med 2 prosent, medan talet på danske overnattingar gjekk tilbake med 5 prosent. Tyskland derimot, som var den fjerde største, auka med 14 prosent.

Auke for campingplassane

Talet på overnattingar ved campingplassane auka med 11 prosent, medan talet på overnattingar ved hyttegrendene steig med 3 prosent. Vandrarheimane og hotella gjekk begge tilbake, med høvesvis 14 og 1 prosent. Auken for hyttegrendene har framleis samanheng med at enkelte større hyttegrender som tidlegare var i hotellstatistikken, er overførte til hyttegrendstatistikken.

Norske overnattingar dominerer

Om hausten er det vanlegvis relativt stor del norske overnattingar ved overnattingsstadene. I november var delen 88 prosent. Vandrarheimane hadde 64 prosent norske overnattingar, hyttegrendene 86 prosent, medan hotella og campingplassane hadde høvesvis 88 og 92 prosent norske overnattingar.

Færre overnattingar til og med november

Etter dei elleve første månadene i 2003, har det vore 22,9 millionar overnattingar ved norske overnattingsstader. Dette er ein nedgang på nesten 3 prosent samanlikna med same periode i 2002. Det har vore nedgang for alle overnattingsformene utanom hyttegrendene.

Liten nedgang i Sverige

Det var 1,81 millionar overnattingar ved svenske overnattingstader i november i 2003. Dette var ein nedgang på 0,4 prosent samanlikna med november året før.

Delen svenske overnattingar var på 82 prosent for svenske overnattingsbedrifter i november. Noreg var den største utanlandsmarknaden i november, men var også den marknaden som hadde størst nedgang.

Tabeller:

• Tabell 1 Campingplassar. Talet på campingplassar, etter månad og fylke. 2003
• Tabell 2 Campingplassar. Overnattingar, etter gjestene sin nasjonalitet og fylke. November 2003
• Tabell 3 Campingplassar. Overnattingar, etter gjestene sin nasjonalitet og fylke. Januar-november 2003
• Tabell 4 Campingplassar. Overnattingar, etter overnattingsmåte og fylke. November 2003
• Tabell 5 Campingplassar. Overnattingar, etter overnattingsmåte og fylke. Januar-november 2003
• Tabell 6 Campingplassar. Overnattingar, etter overnattingsmåte og månad. 2003
• Tabell 7 Hyttegrender. Talet på bedrifter, etter månad og fylke. 2003
• Tabell 8 Hyttegrender. Overnattingar, etter gjestene sin nasjonalitet og fylke. November 2003
• Tabell 9 Hyttegrender. Overnattingar, etter gjestene sin nasjonalitet og fylke. Januar-november 2003
• Tabell 10 Overnattingar, etter gjestene sin nasjonalitet og bedriftsgruppe. November 2003
• Tabell 11 Overnattingar, etter gjestene sin nasjonalitet og bedriftsgruppe. Januar-november 2003