Overnattingar, desember 2003

Talet på utanlandske overnattingar gjekk ned frå 7,3 millionar i 2002 til 7,0 millionar i 2003. Frå den desidert største utanlandsmarknaden, Tyskland, var trafikken uendra samanlikna med 2002. Den nest største og tredje største utanlandsmarknaden, Sverige og Danmark, gjekk begge ned. Sverige gjekk ned med 13 prosent, medan talet på danske overnattingar gjekk ned med 10 prosent.

119 000 fleire hytteovernattingar

Hyttegrendene auka med 119 000 overnattingar eller 25 prosent samanlikna med 2002. Dei andre overnattingsformene gjekk alle ned, med høvesvis 3,4 prosent for hotella, 1,8 prosent for campingplassane og 3,7 prosent for vandrarheimane.

Auken for hyttegrendene har i 2003 hatt samanheng med at i alt 15 hyttegrender som tidlegare var i hotellstatistikken vart overførte til hyttegrendstatistikken. Dei 15 hyttegrendene hadde 133 000 overnattingar i 2003, slik at det elles ville ha vore ein nedgang på 2,9 prosent for hyttegrendene. På same måte vil nedgangen for hotella vorte redusert frå 3,4 prosent til 2,6 prosent.

Norske overnattingar dominerar

Om lag fem av sju overnattingar ved overnattingsstadene er norske. I desember var delen norske overnattingar 78 prosent. Delen norske overnattingar er elles størst om hausten og i påsken, og minst om sommaren.

Fleire overnattingar i desember

I desember 2003 var det i alt 918 000 overnattingar, mot 876 000 overnattingar i desember året før. Dette er ein auke på 4,7 prosent samanlikna med desember i 2002. Det har vore auke for alle overnattingsformene utanom vandrarheimane som hadde ein nedgang på 7,8 prosent.

Auke i Sverige

Det var 1,48 millionar overnattingar ved svenske overnattingstader i desember i 2003. Dette var ein auke på 41 000 overnattingar eller 3 prosent samanlikna med desember året før.

Tabeller:

• Tabell 1 Campingplassar. Talet på campingplassar, etter månad og fylke. 2003
• Tabell 2 Campingplassar. Overnattingar, etter gjestene sin nasjonalitet og fylke. Desember 2003
• Tabell 3 Campingplassar. Overnattingar, etter gjestene sin nasjonalitet og fylke. Januar-desember 2003
• Tabell 4 Campingplassar. Overnattingar, etter overnattingsmåte og fylke. Desember 2003
• Tabell 5 Campingplassar. Overnattingar, etter overnattingsmåte og fylke. Januar-desember 2003
• Tabell 6 Campingplassar. Overnattingar, etter overnattingsmåte og månad. 2003
• Tabell 7 Hyttegrender. Talet på bedrifter, etter månad og fylke. 2003
• Tabell 8 Hyttegrender. Overnattingar, etter gjestene sin nasjonalitet og fylke. Desember 2003
• Tabell 9 Hyttegrender. Overnattingar, etter gjestene sin nasjonalitet og fylke. Januar-desember 2003
• Tabell 10 Overnattingar, etter gjestene sin nasjonalitet og bedriftsgruppe. Desember 2003
• Tabell 11 Overnattingar, etter gjestene sin nasjonalitet og bedriftsgruppe. Januar-desember 2003 (Revidert 2. mars 2004)
• Tabell 12 Overnattingar, etter månad og bedriftsgruppe. 2003 (Revidert 2. mars 2004)
• Tabell 13 Norske Vandrarheimar. Overnattingar, etter gjestene sin nasjonalitet og månad. 2003 (Revidert 2. mars 2004)