14500_not-searchable
/transport-og-reiseliv/statistikker/overnatting/arkiv
14500
Fleire hotellovernattingar i juli
statistikk
2004-09-03T10:00:00.000Z
Transport og reiseliv;Svalbard
no
overnatting, Overnattingar, hotell, hyttegrender, campingplassar, vandrarheimar, gjestene sin nasjonalitet, kapasitetsutnytting, sengeplassar, hotellrom, romprisar, omsetning, ferieovernattingar, kursovernattingar, yrkesovernattingar, SvalbardReiseliv, Transport og reiseliv, Transport og reiseliv, Svalbard
false

Overnattingar, juli 2004

Innhald

Publisert:

Du er inne i ei arkivert publisering.

Gå til den nyaste publiseringa

Fleire hotellovernattingar i juli

Talet på overnattingar ved norske hotell auka med 7 prosent samanlikna med juli i fjor. Det var auke både for norske og utanlandske overnattingar med høvesvis 10 og 4 prosent.

Trass i auken frå juli i fjor, er likevel det totale talet på hotellovernattingar berre det femte høgste sidan 1989. Åra 1998 til 2001 hadde fleire juliovernattingar. Talet på norske juliovernattingar er derimot det høgste, og faktisk er talet på norske overnattingar det høgste nokosinne. Talet på utanlandske overnattingar i juli i år ligg 17 prosent under nivået for i juli 1994, som var toppåret for utanlandske overnattingar for juli.

Færre tyske overnattingar

Den tyske marknaden er ein typisk "sommarmarknad" og var den største utanlandske i juli i år med 218 000 overnattingar. Talet på tyske overnattingar gjekk ned med 6 prosent samanlikna med juli i fjor. Til samanlikning hadde hotella 394 000 tyske overnattingar i juli 1994, og dagens nivå er 45 prosent lågare enn i juli 1994.

Høgare prisar og losjiomsetning

Gjennomsnittleg pris per hotellrom var 649 kroner, mot 637 kroner i juli i fjor. Losjiomsetninga til hotella auka frå 709 millionar kroner i juli i fjor til 768 millionar kroner i juli i år. Juli er ein månad med stor del feriemotiverte overnattingar, og dette gjev ein lågare pris per rom enn i andre månader med meir innslag av yrkesovernattingar.

Høgare utnytting av kapasiteten

Utnyttinga av både rom- og sengekapasiteten auka samanlikna med juli i fjor. I juli i år var 56 prosent av sengekapasiteten og 60 prosent romkapasiteten utnytta - om lag 4 prosentpoeng høgare enn i juli i fjor.

Hittil i år

Til og med juli i år, har hotella hatt 9,97 millionar overnattingar. Dette er ein auke på 5 prosent samanlikna med same periode i fjor. Talet på norske overnattingar auka med 5 prosent, medan talet på utanlandske auka med 6 prosent.

5,3 millionar overnattingar

Det var 5,3 millionar overnattingar ved kommersielle norske overnattingstader i juli i år, som er ein auke på 4 prosent samanlikna med juli i fjor. Det var auken for alle overnattingsmåtane.

Liten auke i Sverige

Førebelse tal frå Statistiska Centralbyrån viser at talet på overnattingar ved svenske hotell var 3,9 millionar i juli månad. Dette er ein auke på 0,7 prosent samanlikna med endelege tal for juli i fjor. Svenske overnattingar stod for 72 prosent av totalen. Noreg hadde nest flest overnattingar med 290 300. Noreg stod for den største nedgangen med 15 prosent. Den største prosentvise auken samanlikna med juli i fjor, hadde USA med 21 prosent og Nederland med 13 prosent.

Tabeller: