Overnattingar, juli 2006

Talet på hotellovernattingar i juli i år er dei høgaste nokon gong. Talet var 1 prosent høgare enn i juli 1999, og 1,3 prosent høgare enn i juli 2001. Det er om lag 46 prosent fleire overnattingar på hotell enn i juli 1989.

Færre tyske overnattingar

Tyskland er vanlegvis den største utanlandsmarknaden for hotella i juli. Tyskarane er framleis størst, men talet på tyske hotellovernattingar gjekk ned med 6 prosent, frå 221 000 overnattingar i juli i fjor til 207 000 i juli i år. Talet på tyske overnattingar er nær halvert frå juli 1994, då det var 394 000 tyske hotellovernattingar.

Den nest største utanlandsmarknaden, Nederland, gjekk ned med 1 prosent, medan Storbritannia og USA auka med høvesvis 13 og 2 prosent.

Auke og for camping og hyttegrender

Det var 2,87 millionar overnattingar ved norske campingplassar, ei auke på 5 prosent frå juli i fjor. Juli er den einaste månaden der campingplassane har fleire overnattingar enn hotella. Hyttegrendene auka med 29 prosent.

Auke hittil i år

Hotella hadde til og med juli i år 10,57 millionar overnattingar, mot 10,23 i same periode i fjor. Dette er ei auke på 3 prosent. Talet på norske overnattingar har auka med 4 prosent, medan dei utanlandske auka med 2 prosent.

Tabeller:

• Tabell 1 Hotell og andre overnattingsbedrifter. Overnattingar, etter gjestene sin nasjonalitet. Januar-juli og juli. 2005 og 2006
• Tabell 2 Hotell og andre overnattingsbedrifter. Overnattingar, etter fylke og formål. Juli. 2005 og 2006
• Tabell 3 Campingplassar. Overnattingar, etter gjestene sin nasjonalitet og fylke. Juli 2006
• Tabell 4 Campingplassar. Overnattingar, etter gjestene sin nasjonalitet og fylke. Januar-juli 2006
• Tabell 5 Campingplassar. Overnattingar, etter overnattingsmåte og fylke. Juli 2006
• Tabell 6 Campingplassar. Overnattingar, etter overnattingsmåte og fylke. Januar-juli 2006
• Tabell 7 Hyttegrender. Overnattingar, etter gjestene sin nasjonalitet og fylke. Juli 2006
• Tabell 8 Hyttegrender. Overnattingar, etter gjestene sin nasjonalitet og fylke. Januar-juli 2006
• Tabell 9 Overnattingar, etter gjestene sin nasjonalitet og bedriftsgruppe. Juli 2006