14438_not-searchable
/transport-og-reiseliv/statistikker/overnatting/arkiv
14438
Auke for all overnatting
statistikk
2007-03-30T10:00:00.000Z
Transport og reiseliv;Svalbard
no
overnatting, Overnattingar, hotell, hyttegrender, campingplassar, vandrarheimar, gjestene sin nasjonalitet, kapasitetsutnytting, sengeplassar, hotellrom, romprisar, omsetning, ferieovernattingar, kursovernattingar, yrkesovernattingar, SvalbardReiseliv, Transport og reiseliv, Transport og reiseliv, Svalbard
false

Overnattingar, februar 2007

Innhald

Publisert:

Du er inne i ei arkivert publisering.

Gå til den nyaste publiseringa

Auke for all overnatting

I februar i år var det over 1,7 millionar overnattingar ved norske hotell, campingplassar, hyttegrender og Norske Vandrerhjem. Dette er ein auke på 5 prosent samanlikna med februar i fjor.

Talet på hotellovernattingar i februar auka med 5 prosent. Talet på norske hotellovernattingar auka med 7 prosent, medan talet på dei utanlandske auka med 1 prosent. Av dei store utanlandske marknadene auka Sverige med 2 prosent, medan den største, Danmark, gjekk ned med 7 prosent.

Auke for camping og hyttegrender

Talet på overnattingar ved campingplassane auka med 4 prosent, medan hyttegrendene hadde ein auke på 9 prosent. Både norske og utanlandske overnattingar aukar. For camping og hyttegrender er utanlandsmarknaden dominert av danskar. Dei stod for 70 prosent av alle utanlandske overnattingar på hyttegrender, medan tilsvarande tal for camping var 30 prosent.

Auke for alle overnattingsformål

Samanlikna med februar i fjor har talet på yrkesovernattingar ved hotella auka med 10 prosent. Ferie og kurs og konferanseovernattingar auka med høvesvis 2 og 1 prosent.

Store bykommunar og Hemsedal

Av dei store bykommunane hadde Oslo, Bergen, Stavanger og Trondheim ein auke i talet på hotellovernattingar samanlikna med februar i fjor. Tromsø hadde ein liten nedgang. I februar 2007 var Hemsedal landets tredje største kommune målt i talet på overnattingar, og berre Oslo og Bergen hadde fleire overnattingar. I alle dei store bykommunane er den største utanlandske marknaden Storbritannia, medan danskane dominerer i Hemsedal.

Tabeller: