14428_not-searchable
/transport-og-reiseliv/statistikker/overnatting/arkiv
14428
Færre nordmenn på campingplassane
statistikk
2007-08-31T10:00:00.000Z
Transport og reiseliv;Svalbard
no
overnatting, Overnattingar, hotell, hyttegrender, campingplassar, vandrarheimar, gjestene sin nasjonalitet, kapasitetsutnytting, sengeplassar, hotellrom, romprisar, omsetning, ferieovernattingar, kursovernattingar, yrkesovernattingar, SvalbardReiseliv, Transport og reiseliv, Transport og reiseliv, Svalbard
false

Overnattingar, juli 2007

Innhald

Publisert:

Du er inne i ei arkivert publisering.

Gå til den nyaste publiseringa

Færre nordmenn på campingplassane

I juli var det 2,7 millionar overnattingar ved norske camping plassar, ein nedgang med 5,6 prosent samanlikna med den same perioden i fjor. Norske overnattingar gjekk ned med 10 prosent, medan talet på utanlandske overnattingar derimot auka med 3,2 prosent.

Norske overnattingar ved campingplassane gjekk ned med 187 000, frå 2,04 millionar til 1,85 millionar overnattingar. Talet på utanlandske overnattingar gjekk derimot opp frå 833 000 til 859 000 overnattingar. Størst nedgang hadde sesongkontraktar som gjekk ned med over 100 000 norske overnattingar.

Nedgang for sesongkontraktar

Overnattingar på sesongkontraktar gjekk ned frå 983 000 til 882 000, ein nedgang på 10 prosent samanlikna med 2006, telt og vogn gjekk ned med 9,2 prosent frå 857 000 til 784 00 overnattingar. Hytter på campingplassar gjekk og ned med 1,4 prosent, medan bubilar auka med 7,3 prosent.

Talet på hotellovernattingar i juli auka med 1 prosent samanlikna med i fjor. Både talet på norske og utanlandske hotellovernattingar auka med 1 prosent. Av dei store utanlandske marknadane auka Sverige med 6 prosent medan den største, Tyskland, gjekk ned med 5 prosent.

Vekst for hyttegrender

Talet på overnattingar i hyttegrender gjekk opp frå 177 000 til 183 000, ein vekst på 3,5 prosent samanlikna med 2006.

Fleire yrkesovernattingar i feriemånaden

Samanlikna med juli i fjor gjekk talet på yrkesovernattingar opp frå 461 000 til 522 000, ein auke på 13 prosent. Kurs og konferanseovernattingar gjekk ned med nær 3 prosent. Ferie- og fritidsovernattingar var om lag uendra, ein liten nedgang på 1 prosent.

God juli i Oslo og Hallingdal

I Buskerud gjekk talet på hotellovernattingar opp med 14 000 i juli 2007 samanlikna med året før, ein auke på 9,8 prosent. Hallingdalregionen i Buskerud hadde ein auke på 9 000 overnattingar eller 8,4 prosent. I Oslo steig talet på overnattingar med 12 000 samanlikna med juli 2006. Dei andre storbykommunane hadde mindre auke, eller var om lag uendra frå i fjor.

Tabeller: