Overnattingar, januar 2008

Det var over 227 000 overnattingar med formål ”kurs og konferanse” i januar. Dette er ein auke på nesten 25 000 frå januar i fjor, det svarer til ein vekst på 12 prosent. Feriemarknaden auka med 9 500 overnattingar, eller 2,4 prosent. Yrkesmarknaden var uendra frå januar i fjor.

Fleire tyskarar på hotella

Talet på norske hotellovernattingar auka med 3 prosent, medan talet på dei utanlandske auka med 4 prosent. Det var over to tusen fleire tyskarar på hotella i januar i år. Dette er ein auke på 8 prosent. Det var også auke i talet på overnattingsgjester frå Sverige og Danmark, medan talet på overnattingsgjester frå Storbritannia gjekk ned.

Auke for camping og hyttegrender

Talet på overnattingar ved campingplassane auka med 6 prosent, medan hyttegrendene hadde ein auke på 3 prosent. På campingplassane var det nordmenn som stod for auken i talet på overnattingar, medan for hyttegrendane var det utanlendingane som utgjorde auken.

Fleire overnattingar i Akershus

Tala for januar viser ein auke på nesten ti tusen overnattingar i Akershus. Dette er ti prosent meir enn for den same månaden i fjor. Også Telemark, Aust-Agder og Vest-Agder hadde stor auke i talet på overnattingar. Vest-Agder utmerkte seg også med ein stor auke i kapasitetsutnyttinga. Oslo, Akershus og Buskerud hadde i januar den høgaste oppnådde prisen¹ per rom, over 900 kroner rommet. Vest-Agder hadde den lågaste prisen med 673 kroner.

¹Oppnådd pris per rom er i overnattingsstatistikken definert som losjiomsetning per belagte rom.

Tabeller:

• Tabell 1 Hotell og andre overnattingsbedrifter. Opne bedrifter, senger og rom, etter fylke. Januar. 2007 og 2008
• Tabell 2 Hotell og andre overnattingsbedrifter. Overnattingar, etter gjestene sin nasjonalitet. Januar-januar og januar. 2007 og 2008
• Tabell 3 Hotell og andre overnattingsbedrifter. Overnattingar og kapasitetsutnytting, etter fylke. Januar. 2007 og 2008
• Tabell 4 Hotell og andre overnattingsbedrifter. Omsetning og oppnådd pris per rom, etter fylke. Januar-januar og januar 2008
• Tabell 5 Hotell og andre overnattingsbedrifter. Overnattingar, etter fylke og formål. Januar. 2007 og 2008
• Tabell 6 Campingplassar. Talet på campingplassar, etter månad og fylke. 2008
• Tabell 7 Campingplassar. Overnattingar, etter gjestene sin nasjonalitet og fylke. Januar 2008
• Tabell 8 Campingplassar. Overnattingar, etter overnattingsmåte og fylke. Januar 2008
• Tabell 9 Hyttegrender. Talet på bedrifter, etter månad og fylke. 2008
• Tabell 10 Hyttegrender. Overnattingar, etter gjestene sin nasjonalitet og fylke. Januar 2008
• Tabell 11 Overnattingar, etter gjestene sin nasjonalitet og bedriftsgruppe. Januar 2008