14390_not-searchable
/transport-og-reiseliv/statistikker/overnatting/arkiv
14390
Stadig færre hotellovernattingar
statistikk
2009-04-02T10:00:00.000Z
Transport og reiseliv;Svalbard
no
overnatting, Overnattingar, hotell, hyttegrender, campingplassar, vandrarheimar, gjestene sin nasjonalitet, kapasitetsutnytting, sengeplassar, hotellrom, romprisar, omsetning, ferieovernattingar, kursovernattingar, yrkesovernattingar, SvalbardReiseliv, Transport og reiseliv, Transport og reiseliv, Svalbard
false

Overnattingar, februar 2009

Innhald

Publisert:

Du er inne i ei arkivert publisering.

Gå til den nyaste publiseringa

Stadig færre hotellovernattingar

I februar i år var det 1,28 millionar overnattingar ved norske hotell, ein nedgang på 11 prosent samanlikna med februar i fjor. Både norske og utanlandske overnattingar gjekk ned med 11 prosent.

Alle dei store utanlandske marknadene gjekk ned i talet på overnattingar i februar 2009, med unntak av Nederland som auka med 4 prosent samanlikna med februar i fjor. Størst nedgang i heile tal hadde Danmark, med 15 000 færre overnattingar, medan Storbritannia hadde den største prosentvise nedgangen, med 21 prosent.

Kurs- og konferanse- samt ferieovernattingar gjekk ned med høvesvis 14 og 13 prosent samanlikna med same månad i fjor. Yrkesovernattingar gjekk ned med 7 prosent, frå 586 000 til 543 000 overnattingar.

Omsetningsnedgang, men auke i prisen per rom

Samanlikna med februar 2008, gjekk omsetninga for hotella ned med 9 prosent - frå 855 millionar til 782 millionar - medan prisen per rom auka med 1 prosent - frå 895 til 907 kroner.

Liten auke for camping

Frå februar i fjor til februar i år gjekk talet på campingovernattingar opp med 1 prosent, frå 227 000 til 230 000 overnattingar. Norske campingovernattingar gjekk opp med 5 prosent, medan utanlandske campingovernattingar gjekk ned med heile 24 prosent frå februar 2008.

Fleire hyttegrendovernattingar

Talet på hyttegrendovernattingar gjekk opp frå 166 000 til 172 000 overnattingar, ein auke på 3 prosent samanlikna med februar 2008. Det var 3 000 fleire norske og 1 000 fleire utanlandske hyttegrendovernattingar i februar i år samanlikna med februar i fjor.

Februar i 2009 hadde 28 dagar, medan februar i fjor, som var skuddår, hadde 29 dagar. Det betyr at februar i år er 3,6 prosent kortare enn i fjor. Det er viktig å sjå nedgangen for hotella, og i og for seg auka for camping og hyttegrender, på den bakgrunn.

Tabeller: