84867_not-searchable
/transport-og-reiseliv/statistikker/overnatting/arkiv
84867
Stadig færre utanlandske hotellovernattingar
statistikk
2012-09-28T10:00:00.000Z
Transport og reiseliv;Svalbard
no
overnatting, Overnattingar, hotell, hyttegrender, campingplassar, vandrarheimar, gjestene sin nasjonalitet, kapasitetsutnytting, sengeplassar, hotellrom, romprisar, omsetning, ferieovernattingar, kursovernattingar, yrkesovernattingar, SvalbardReiseliv, Transport og reiseliv, Transport og reiseliv, Svalbard
false

Overnattingar, august 2012

Innhald

Publisert:

Du er inne i ei arkivert publisering.

Gå til den nyaste publiseringa

Stadig færre utanlandske hotellovernattingar

Fleire av dei største utanlandske marknadene gjekk ned i talet på hotellovernattingar i august 2012. Unntaka var våre svenske naboar og Storbritannia, som hadde høvesvis 12 og 10 prosent fleire hotellovernattingar enn i august 2011.

Alle overnattingsbedrifter. Overnattingar, etter gjestane sin nasjonalitet. August. 2011 og 2012

I august i år var det 2,27 millionar overnattingar ved norske hotell, ein nedgang på 0,3 prosent samanlikna med august i fjor. Talet på norske hotellovernattingar steig med 3 prosent, medan utanlandske overnattingar gjekk ned 6 prosent i same periode.

Samanlikna med august 2011 gjekk losjiomsetninga for hotella opp 4 prosent, frå 1 181 millionar til 1 232 millionar kroner. Oppnådd pris per rom steig i same periode frå 830 kroner til 847 kroner.

Yrkesovernattingar samt kurs- og konferanseovernattingar steig med høvesvis 4 og 3 prosent, medan ferie- og fritidsovernattingar i same periode gjekk ned 3 prosent.

Hotell og liknande overnattingsbedrifter. Overnattingar, etter gjestane sin nasjonalitet. August. 2011 og 2012

Færre utanlandske campingovernattingar

Frå august 2011 til august 2012 gjekk talet på campingovernattingar ned 1 prosent, frå 1,52 millionar til 1,51 millionar overnattingar. Norske campingovernattingar steig med 3 prosent, medan utanlandske campingovernattingar gjekk ned med heile 8 prosent.

Fleire hyttegrendovernattingar

Talet på overnattingar på hyttegrend gjekk opp med 7,5 prosent til 185 000 overnattingar, samanlikna med august 2011. Både norske og utanlandske hyttegrendovernattingar gjekk opp høvesvis 12 og 3 prosent.

Totalt sett færre overnattingar i august

I august 2012 var det totalt sett 4,02 millionar overnattingar ved alle norske overnattingsstader. Dette er ein nedgang på 11 000 overnattingar i høve til same månad året før. Norske overnattingar gjekk opp 3 prosent, medan utanlandske overnattingar fall med 6 prosent.

Auke i talet på overnattingar hittil i år

I perioden januar-august 2012 var det 22,5 millionar overnattingar ved alle norske overnattingsstader. Dette er ein auke på 1,2 prosent samanlikna med same periode i 2011. Hotell og andre overnattingsbedrifter gjekk opp frå 13,7 millionar til 14 millionar overnattingar. Campingplassane hadde 67 000 færre overnattingar hittil i år. Hyttegrender steig med 3,5 prosent, medan norske vandrarheimar har hatt 3,6 prosent færre overnattingar enn på same tid i fjor.

Tabeller: