Overnattingar, november 2011

Samanlikna med november 2010 gjekk omsetninga for hotella opp med 10,5 prosent, frå 918 millionar til 1,02 milliardar. Prisen per rom steig frå 873 til 916 kroner.

Fleire overnattingar

I november 2011 gjekk både norske og utanlandske overnattingar opp med høvesvis 5 og 3 prosent, samanlikna med november året før. Kurs- og konferanseovernattingar og yrkesovernattingar gjekk opp med høvesvis 12 og 4 prosent i same periode, medan talet for ferie og fritidsovernattingar var om lag uendra.

Fleire av dei store utanlandske marknadene gjekk opp i talet på overnattingar i november 2011, med unntak av Tyskland som minska.

Fleire norske campingovernattingar

Frå november 2010 til november 2011 gjekk talet på campingovernattingar opp med 3 prosent, frå 182 000 til 188 000 overnattingar. Norske campingovernattingar gjekk opp med 6 prosent i november 2011, medan utanlandske campingovernattingar fall med heile 11 prosent i same periode.

Færre hyttegrendovernattingar

Talet på hyttegrendovernattingar gjekk ned med 14 prosent i november 2011 i høve til november 2010. Det var 6 000 norske og 2 000 færre utanlandske hyttegrendovernattingar i november 2011 samanlikna med same månad året før.

Auke i talet på overnattingar i 2011

I perioden januar til november 2011 var det 27,8 millionar overnattingar ved norske overnattingsstader. Dette er ein auke på 2 prosent samanlikna med same periode i 2010. Hotell- og andre overnattingsbedrifter gjekk opp frå 17,4 til 18,2 millionar overnattingar. Campingplassar og hyttegrender hadde ein nedgang i talet på overnattingar, på høvesvis 2 og 6 prosent.

Talet på norske overnattingar steig med 3 prosent i perioden januar til november 2011, frå 19,7 millionar overnattingar i 2010 til 20,2 millionar overnattingar i 2011. Utanlandske overnattingar gjekk ned med 0,5 prosent frå januar til november 2010 samanlikna med same periode 2011.

Tabeller:

• Tabell 1 Hotell og andre overnattingsbedrifter. Opne bedrifter, senger og rom, etter fylke. November. 2010 og 2011
• Tabell 2 Hotell og andre overnattingsbedrifter. Overnattingar, etter gjestene sin nasjonalitet. November. 2010 og 2011
• Tabell 3 Hotell og andre overnattingsbedrifter. Overnattingar og kapasitetsutnytting, etter fylke. November. 2010 og 2011
• Tabell 4 Hotell og andre overnattingsbedrifter. Omsetning og oppnådd pris per rom, etter fylke. November. 2011
• Tabell 5 Hotell og andre overnattingsbedrifter. Overnattingar, etter fylke og formål. November. 2010 og 2011
• Tabell 6 Campingplassar. Talet på campingplassar, etter månad og fylke. 2011
• Tabell 7 Campingplassar. Overnattingar, etter gjestene sin nasjonalitet og fylke. November 2011
• Tabell 8 Campingplassar. Overnattingar, etter overnattingsmåte og fylke. November 2011
• Tabell 9 Hyttegrender. Talet på bedrifter, etter månad og fylke. 2011
• Tabell 10 Hyttegrender. Overnattingar, etter gjestene sin nasjonalitet og fylke. November 2011
• Tabell 11 Overnattingar, etter gjestene sin nasjonalitet og bedriftsgruppe. November 2011