Overnattingar, november 2012

Fleire av dei største utanlandske marknadene gjekk opp i talet på hotellovernattingar i november. Unntaket var Storbritannia som hadde 3 prosent færre hotellovernattingar enn i november 2011.

Samanlikna med november 2011 gjekk losjiomsetninga for hotella opp med 2,5 prosent, frå 1 015 millionar kroner til 1 041 millionar kroner. Oppnådd pris per rom fall i same perioden frå 916 til 913 kroner.

Talet på ferie- og fritidsovernattingar steig med heile 16 prosent. Både kurs- og konferanseovernattingar og yrkesovernattingar gjekk i same perioden opp med 3 prosent.

Stor oppgang i norske campingovernattingar

Frå november 2011 til november 2012 gjekk talet på campingovernattingar i alt opp med 33 prosent, frå 167 000 til 228 000 overnattingar. Norske og utanlandske campingovernattingar auka med høvesvis 37 og 2 prosent.

Fleire norske hyttegrendovernattingar

Talet på norske hyttegrendovernattingar gjekk opp med 19 prosent, frå 36 000 til 43 000 overnattingar samanlikna med november 2011. Utanlandske hyttegrendovernattingar gjekk i same perioden ned med 21 prosent.

Totalt sett fleire overnattingar i november

I november 2012 var det 1,81 millionar overnattingar ved alle norske overnattingsstader. Dette er ein oppgang på 162 000 overnattingar i høve til same månad året før. Norske overnattingar gjekk i same perioden opp med 10 prosent, medan utanlandske overnattingar steig med 6 prosent.

Oppgang i talet på overnattingar hittil i år

I perioden januar-november 2012 var det 28,5 millionar overnattingar ved alle norske overnattingsstader. Dette er ein oppgang på 2,5 prosent samanlikna med same perioden i 2011. Hotell- og andre overnattingsbedrifter gjekk opp frå 18,2 millionar til 18,8 millionar overnattingar. Talet på overnattingar ved campingplassane auka med 1 prosent. Hyttegrendovernattingane steig med 5 prosent, medan norske vandrarheimar har hatt 2 prosent færre overnattingar det siste året.

Tabeller:

• Tabell 1 Hotell og liknande overnattingsbedrifter. Opne bedrifter, senger og rom, etter fylke. November. 2011 og 2012
• Tabell 2 Hotell og liknande overnattingsbedrifter. Overnattingar, etter gjestane sin nasjonalitet. November. 2011 og 2012
• Tabell 3 Hotell og liknande overnattingsbedrifter. Overnattingar og kapasitetsutnytting, etter fylke. November. 2011 og 2012
• Tabell 4 Hotell og liknande overnattingsbedrifter. Losjiomsetning og oppnådd pris per rom, etter fylke. November 2012
• Tabell 5 Hotell og liknande overnattingsbedrifter. Overnattingar, etter fylke og formål. November. 2011 og 2012
• Tabell 6 Campingplassar. Talet på campingplassar, etter månad og fylke. 2012
• Tabell 7 Campingplassar. Overnattingar, etter gjestane sin nasjonalitet og fylke. November 2012
• Tabell 8 Campingplassar. Overnattingar, etter overnattingsmåte og fylke.November 2012
• Tabell 9 Hyttegrender. Talet på bedrifter, etter månad og fylke. 2012
• Tabell 10 Hyttegrender. Overnattingar, etter gjestane sin nasjonalitet og fylke. November 2012
• Tabell 11 Overnattingar, etter gjestane sin nasjonalitet og bedriftsgruppe. November 2012
• Tabell 12 Overnattingar, etter gjestane sin nasjonalitet og bedriftsgruppe. Januar-november 2012