208889_not-searchable
/transport-og-reiseliv/statistikker/overnatting/maaned
208889
Fleire hotellovernattingar i februar
statistikk
2015-04-17T10:00:00.000Z
Transport og reiseliv;Svalbard
no
overnatting, Overnattingar, hotell, hyttegrender, campingplassar, vandrarheimar, gjestene sin nasjonalitet, kapasitetsutnytting, sengeplassar, hotellrom, romprisar, omsetning, ferieovernattingar, kursovernattingar, yrkesovernattingar, SvalbardReiseliv, Transport og reiseliv, Transport og reiseliv, Svalbard
false
Overnatting, hotell, camping, hyttegrender, vandrerhjem. I februar 2015 var det 1,51 millionar overnattingar ved norske hotell.

Overnattingar, februar 2015

Innhald

Publisert:

Du er inne i ei arkivert publisering.

Gå til den nyaste publiseringa

Fleire hotellovernattingar i februar

I februar 2015 var det 1,51 millionar overnattingar ved norske hotell. Dette er 67 000 eller 5 prosent fleire enn same månad i 2014. Det er særleg overnattingar i samband med ferie og fritid som aukar.

Overnattingar, etter overnattingsmåte og månadPublisert 17. april 2015
Februar 2015Overnattingar hittil i år
Overnattingar i altNorske overnattingarUtenlandske overnattingarFebruar 2015
Overnattingar i alt1 929 2761 400 496528 7803 569 741
 
Hotell og andre overnattingsbedrifter1 514 1771 142 560371 6172 841 889
Campingplassar160 320142 31418 006274 618
Hyttegrender237 554104 888132 666419 884
Norske Vandrerhjem17 22510 7346 49133 350

Kilde: Statistisk sentralbyrå

Figur 1. Hotell og likande overnattingsbedrifter. Overnattingar, etter gjestane sin nasjonalitet

Det var 91 000 eller 14 prosent fleire ferie- og fritidsovernattingar i norske hotell i februar 2015 enn i same periode i fjor. Overnatting i samband med ferie og fritid eller yrke dominerer med høvesvis 49 og 38 prosent av hotellovernattingane i februar i år. Yrkesovernattingar gjekk ned med 5 prosent i same periode .

Talet på utanlandske hotellovernattingar gjekk opp med 25 000, eller 7 prosent, frå februar 2014 og var på 372 000 i februar 2015. I den same perioden gjekk talet på norske overnattingar opp 4 prosent til i alt 1 143 000 overnattingar.

Samanlikna med februar 2014 gjekk losjiomsetninga på hotella opp med 4 prosent, frå 889 millionar til 923 millionar kroner. Gjennomsnittsprisen per rom var 896 kroner i februar 2015, ein auke på 6 kroner frå februar 2014.

Færre campingovernattingar

Det var 160 000 campingovernattingar i februar 2015. Det er 7 prosent færre enn februar 2014. Norske og utanlandske overnattingar gjekk ned med høvesvis 7 og 6 prosent.

Fleire hytteovernattingar i februar

Det vart registrert 238 000 overnattingar på hyttegrendene i februar 2015. Dette tilsvarer ein oppgang på 10 prosent frå same månad året før. Det var 11 000 fleire norske og utanlandske overnattingar, eller ein oppgang på høvesvis 12 og 9 prosent.

Fleire ferie- og fritidsovernattingar på Svalbard

I februar 2015 var det 10 000 overnattingar på Svalbard, noko som er 41 prosent fleire enn i februar 2014. Ferie- og fritidsovernattingar auka med 2 200 overnattingar eller ein auke på 50 prosent frå februar i fjor. Med dette utgjer ferie- og fritidsovernattingar framleis mesteparten av overnattingane, og stod for 65 prosent av hotellovernattingane på Svalbard i februar 2015.

Omlegging gir brot i tidsserienÅpne og lesLukk

Overnattingsstatistikken er lagt om: Tala for hyttegrender og campingplassar kan frå og med januar 2013 ikkje lenger samanliknast med tidlegare år. Omlegginga tyder til dømes: Bedrifts- og foretaksregisteret er, saman med eigne undersøkingar i 2012, nytta som populasjonsregister. I tråd med internasjonale retningsliner er cut-off (nedre grense for at ei bedrift skal vere med) redusert frå 20 til 10 sengeplassar for hotell- og hyttegrendbedrifter og 10 einingar for campingbedrifter. Til slutt vert det for camping og hyttegrender no registrert gjestedøgn framfor einingsdøgn. Omlegginga har hatt mindre å seie for hotella, og samanlikning med tidlegare tal er derfor mogleg. Ein bør vere varsam når ein samanliknar tal for hotell på mindre, regionale nivå.