Folkehøgskolar (opphørt), 2006

Talet på deltakarar på kortkurs i 2006 har gått ned samanlikna med 2005, og vi må attende til 2001 for å finne eit like lågt tal. Størst nedgang i talet på deltakarar finn ein i aldersgruppa 30-39 år. Det var også færre utanlandske statsborgarar som deltok på kortkurs i 2006 enn 2005. Talet på utanlandske deltakarar gjekk ned frå 1 630 i 2005 til 1 060 i 2006. Det er størst nedgang i talet på deltakarar frå Tyskland og Russland, men russarane er likevel i fleirtal, deretter kjem danskar, svenskar og tyskarar.

Framleis kvinnedominans

Som tidlegare år er det flest kvinnelege deltakarar på kortkursa. Aldersgruppa 50 år eller eldre er enno i fleirtal, og 62 prosent av deltakarane her er kvinner. Kvinner i denne aldersgruppa utgjer 35 prosent av alle deltakarane på kortkurs til saman.

Dei fleste tek estetiske fag og handverksfag

I 2006 deltok 40 prosent på kurs innanfor estetiske fag og handverksfag, mens 20 prosent valde humanistiske fag, trus- og livssynsfag. Deltakarar i aldersgruppa 30 til 50 år eller eldre er i fleirtal på kurs innanfor estetiske fag og handverksfag. I aldersgruppa 19 år eller yngre til 29 år valde fleirtalet kurs i organisasjons- og styringsfag og helse-, sosial- og idrettsfag.

Tabeller:

• Tabell 1 Deltakarar i folkehøgskolar, kortkurs, etter alder og kjønn. 2001-2006. Etter bustadfylke 2006
• Tabell 2 Utanlandske deltakarar i folkehøgskolar, kortkurs, etter statsborgarskap og kjønn. 2006
• Tabell 3 Deltakarar i folkhøgskolar, etter kjønn, alder og hovudemne. 2006
• Tabell 4 Deltakarar i folkehøgskolar, kortkurs, etter hovudemne og skolefylke. 2006
• Tabell 5 Talet på årselevar, etter kjønn og skolefylke. 2002-2006
• Tabell 6 Talet på årselevar, etter kjønn og hovudemne. 2006