Varekonsumindeksen, september 2002

Den ujusterte varekonsumindeksen var i september 4,1 prosent høgare i volum enn han var i same månad året før.

Varekonsumindeksen har som siktemål å talfesta hushaldas forbruk, medan detaljomsetningsindeksen er ein omsetningsindeks for detaljhandelsnæringa.

Samanlikna med detaljomsetningsindeksen, har varekonsumindeksen eit anna innhald, rekna ut frå omsetning i fleire næringar og med ei samanvekting som samsvarer med den delen av omsetninga i næringane som gjeng til forbruk. Dette fører med seg ulik utvikling i dei to indeksane. For varer som vert selde i detaljhandelsnæringa, nyttar ein detaljomsetningsindeksen som indikator. I tillegg nyttar ein tal for førstegongsregistrerte bilar og motorsyklar, sal av bensin til bensinstasjonar og hushalda sitt forbruk av elektrisitet. Varekonsumindeksen nyttar konsumprisindeksen, medan detaljomsetningsindeksen nyttar prisindeks for detaljhandel til fastprisutrekningar. Sjå delindeksar i konsumprisindeksen .

Varekonsumindeksen nyttar dei same definisjonane og metodane som i den kvartalsvise nasjonalrekneskapen, og er difor ein indikator for posten varekonsum i kvartalsvis nasjonalrekneskap.