Inntekts- og formuesundersøkelsen for oljeselskaper, veke 52 1999

Dei totale utlikna skattane frå verksemda på kontinentalsokkelen var på 25 milliardar kroner i 1999, mot 10 milliardar kroner i 1998. Særskatten utgjorde 14 milliardar kroner, ein auke på 9 milliardar kroner, medan skatt på alminneleg inntekt auka med 6 milliardar kroner til 11 milliardar kroner.

Olje- og gassutvinning og røyrtransport

Skattbar allmenn inntekt for selskapa som driv olje- og gassutvinning og røyrtransport, utgjorde 38 milliardar kroner i 1999. Dette er ein auke på 21 milliardar kroner frå året før. Til samanlikning utgjorde grunnlaget for utrekning av særskatt 27 milliardar kroner, eller ein auke på 17 milliardar kroner.

Auken i skattegrunnlaga kjem i hovudsak av høgare bruttoinntekter. Produksjonen av råolje har auka, medan produksjon av naturgass låg om lag på same nivå som året før. Prisane på råolje og naturgass var i gjennomsnitt høgare enn i 1998.

Utanlandske selskap

Utanlandske selskap som driv vedlikehald, reparasjon og ulike verksemder til støtte for dei norske utvinningsselskapa, hadde i 1999 utlikna skatt på 427 millionar kroner. Dette er ein auke på 82 millionar kroner eller 24 prosent frå året før.

Tabeller:

• Tabell 1 Inntekt og skatt for selskap som driv olje- og gassutvinning og røyrtransport. 1995-1999. 1 000 kroner
• Tabell 2 Inntekt og skatt for utanlandske sokkelselskap. 1995-1999. 1 000 kroner