811 milliardar kroner i samla skatteinnbetalingar i 2017

Ifølgje skatterekneskapen auka dei samla skatteinnbetalingane i 2017 med 7,3 prosent samanlikna med 2016. Dette er det fyrste gong sidan 2014 at skatteinnbetalingane veks frå eitt år til det neste.

Den vedvarande reduksjonen i innbetalingane sidan den gang kan delvis forklarast med den kraftige reduksjonen i innbetalingar av petroleumsskattar. Denne reduksjonen heldt fram i tre kvartal i 2017, for så å ta seg opp att.

I 2017 utgjer petroleumsskattane 8 prosent av dei samla innbetalingane, noko som likevel er den nest lågaste delen sidan 2008.

Dei personlege skattytarane stod for 659 milliardar kroner av dei samla innbetalingane. Dei upersonlege skattytaran utanom petroleumsselskapa betalte inn 85 milliardar. Sidan 2009 har dei personlege skattytarane auka sin del av innbetalingane frå over 60 prosent til drygt 80 prosent i 2017.

Innbetalingane til statsforvaltninga, eksklusiv petroleumsskattar, utgjorde 251 milliardar kroner i 2017, noko som svarar til ein auke 13 milliardar samanlikna med i fjor. I kommuneforvaltninga har innbetalingane auka med 8 milliardar kroner, som gjev samla innbetalingar på 189 milliardar i 2017. Dei samla innbetalingane til folketrygda ligg på 303 milliardar kroner.