Framleis auke i ledige stillingar

Publisert:

3. september 2018

Frå 1. til 2. kvartal 2018 auka talet på ledige stillingar med 3 200, justert for sesongvariasjonar. Noreg har no hatt auke i talet på ledige stillingar i om lag to år.

Tala er henta frå
Ledige stillingar

Artikkelen er del av serien
Ledige stillingar (arkiv)

Frå 1. til 2. kvartal 2018 auka det sesongjusterte talet på ledige stillingar med 3 200, som vil seie ein auke på 5 prosent. Etter nokre år med nedgang har det i løpet av dei par siste åra stort sett vore oppgang. Ein må tilbake til 2011 for å finne tilsvarande nivå i talet på ledige stillingar, viser tal frå statistikken Ledige stillingar.

Figur 1 viser at det sesongjusterte talet over ledige stillingar har hatt en positiv utvikling i heile perioden frå 4. kvartal 2016, og trendtalet har vore positivt heilt sidan 1. kvartal det same året. Den sesongjusterte prosentdelen av ledige stillingar var på 2,4 i 2. kvartal 2018.

Figur 1. Ledige stillingar. Sesongjusterte tal og trend

	Sesongjustert	Trend
2. kv. 2010	61400	61400
3. kv. 2010	65600	62900
4. kv. 2010	63100	63500
1. kv. 2011	66000	66400
2. kv. 2011	71500	70100
3. kv. 2011	70100	70700
4. kv. 2011	70100	69400
1. kv. 2012	66200	67300
2. kv. 2012	64900	64700
3. kv. 2012	63600	64100
4. kv. 2012	65600	65300
1. kv. 2013	64600	65800
2. kv. 2013	67500	65300
3. kv. 2013	61700	62000
4. kv. 2013	57300	58300
1. kv. 2014	58900	57700
2. kv. 2014	58900	58200
3. kv. 2014	57100	57500
4. kv. 2014	59600	57100
1. kv. 2015	57600	56800
2. kv. 2015	56500	55200
3. kv. 2015	52600	52800
4. kv. 2015	49900	51000
1. kv. 2016	52900	50700
2. kv. 2016	51300	52200
3. kv. 2016	55300	54200
4. kv. 2016	53700	55800
1. kv. 2017	55700	57100
2. kv. 2017	59400	58600
3. kv. 2017	60300	60500
4. kv. 2017	63300	63200
1. kv. 2018	65500	66200
2. kv. 2018	68700	67300

Fleire ledige stillingar i industrien

Frå 1. til 2. kvartal 2018 auka talet på ledige stillingar i industrien med 600, som vil seie ein auke på 20 prosent. Ein må tilbake til 2013 for å finne tilsvarande nivå i talet på ledige stillingar i denne næringa. Prosentdelen ledige stillingar i industrien var på 1,7 i 2. kvartal 2018, opp 0,3 prosentpoeng frå kvartalet før. Ein god del av auken i industrien siste år har kome frå næringar som leverer varer og tenester til oljenæringa, til dømes metallvareindustrien og bygging av skip og plattformer.

Frå 1. til 2. kvartal 2018 var talet på ledige stillingar i bergverksdrift og utvinning (dominert av olje- og gassverksemd) stabilt, justert for sesongvariasjonar. Men denne næringa har hatt ein sterk auke i talet på ledige stillingar siste år sett under eitt – og talet på ledige stillingar i denne næringa er no på nivå med tida før oljeprisfallet i 2014.