Over 20 000 tapte arbeidsdagar i 2019

I dei åtte arbeidskonfliktane i 2019 gjekk totalt 21 532 arbeidsdagar tapt, viser statistikken Fagforeiningsmedlemmer og streikar. Konfliktane involverte til saman 1 934 arbeidstakarar. Av desse var 748 tilsett i samferdsel og 670 i helse- og sosialtenester, noko som innebar høvesvis 8 101 og 10 799 tapte arbeidsdagar i dei to næringane, eller nærmare 90 prosent av alle dei tapte arbeidsdagane i 2019. Ved førre mellomoppgjer i 2017 gjekk 8 942 arbeidsdagar tapt i 10 arbeidskonfliktar. Her var berre 401 arbeidstakarar involvert.

Det er vanlegvis færre arbeidskonfliktar og tapte arbeidsdagar i år med mellomoppgjer. Gjennomsnittleg tal på tapte arbeidsdagar for dei ni åra med mellomoppgjer i perioden frå 2001 til 2017 var om lag 6 900, mens det gjennomsnittlege talet på arbeidstakarar involvert var 445. Samtidig var det i gjennomsnitt nærmare fem arbeidskonfliktar. 2019 var altså et år der alle tre indikatorar for omfanget av arbeidskonfliktar var høgare enn normalen.

For dei arbeidstakarane som var i arbeidskonflikt i 2019, var gjennomsnittleg tal på tapte arbeidsdagar per arbeidstakar i overkant av 11. Tilsvarande tal for mellomoppgjera i perioden 2001-2017 samla sett var nærmare 16.

Stadig medlemsauke i hovudsamanslutningane for arbeidstakarar

De fire hovudsamanslutningane for arbeidstakarar, LO, UNIO, YS og Akademikerne, hadde alle ein auke i talet på medlemmer i 2019. Alle desse opplevde også ein auke i talet på yrkesaktive medlemmer. Som i fjor var auken i absolutte tal størst for LO, med i underkant av 15 700 nye medlemmer, mens Akademikerne igjen hadde den sterkaste prosentvise auken i medlemsmassen på 5,5 prosent.