Lågaste folkeauke sidan 2001
Publisert:
Ved inngangen til 2021 var folketalet i Noreg 5 391 369. Folkeveksten i 2020 enda på 23 800, og har ikkje vore lågare sidan 2001.
- Tala er henta frå
- Befolkning
- Artikkelen er del av serien
- Befolkning (arkiv)
Folkeauken i 2020 var klart lågare enn i åra føre, noko som heng saman med korona-tiltaka og den svært låge innvandringa gjennom delar av året. Jamført med folketalet har ikkje folkeauken vore lågare sidan 1990. Det syner dei nye års- og kvartalstala frå statistikken Befolkning.
Spesielt låg innvandring våren 2020
Det var 38 100 innvandringar i 2020, noko som er det lågaste sidan 2004. Til samanlikning låg innvandringa mellom 52 200 og 58 200 i dei tre føregåande åra.
– Talet på innvandringar har falle kvart år sidan 2012, men nedgangen på 27 prosent frå 2019 til 2020 er heilt eksepsjonell. Den største nedgangen etter 1950 har fram til no vore i 1958, og då var han på 17 prosent, seier rådgjevar Magnus Haug.
Figur 1 viser korleis talet på innvandringar varierte frå månad til månad, samanlikna med gjennomsnittet dei siste tre åra. Alt i januar, altså før korona-tiltaka, var det færre innvandringar enn tidlegare, noko som speglar at innvandringa var minkande også før pandemien kom til Noreg.
– Talet på innvandringar var spesielt lågt i vår-månadene og april er månaden som skil seg mest ut. Då var det 1 900 færre innvandringar enn gjennomsnittet frå 2017 til 2019, seier Magnus Haug.
Figur 1. Innvandringar i 2020, og gjennomsnittleg tal på innvandringar 2017-2019
| Månad | 2020 | Gjennomsnitt 2017-2019 |
| Januar | 4389 | 4582 |
| Februar | 3585 | 4080 |
| Mars | 1703 | 3268 |
| April | 599 | 2529 |
| Mai | 1594 | 2875 |
| Juni | 3186 | 3487 |
| Juli | 3349 | 3791 |
| August | 4466 | 5440 |
| September | 4936 | 5499 |
| Oktober | 3240 | 4596 |
| November | 3190 | 4063 |
| Desember | 3834 | 3360 |
Ei av følgjene av den låge innvandringa var at fødselsoverskotet var høgare enn nettoinnvandringa.
– I toppåret 2012 var nettoinnvandringa 29 100 høgare enn fødselsoverskotet, men i 2020 var det altså fødselsoverskotet som bidrog mest til folkeauken. Dette var vanleg fram til 2004, men hende ikkje i eit einaste av åra frå 2005 til 2019, seier Magnus Haug.
Figur 2. Fødselsoverskot og nettoinnvandring 1970-2020
| Fødselsoverskot | Nettoinnvandring | |
| 1970 | 25828 | -969 |
| 1971 | 26569 | 6615 |
| 1972 | 24885 | 4423 |
| 1973 | 21250 | 3444 |
| 1974 | 20139 | 4922 |
| 1975 | 16284 | 4769 |
| 1976 | 13258 | 4889 |
| 1977 | 11053 | 5034 |
| 1978 | 11067 | 3974 |
| 1979 | 9948 | 2746 |
| 1980 | 9699 | 4071 |
| 1981 | 8815 | 5176 |
| 1982 | 9791 | 5740 |
| 1983 | 7713 | 4285 |
| 1984 | 7693 | 3761 |
| 1985 | 6762 | 6228 |
| 1986 | 8954 | 7451 |
| 1987 | 9068 | 13769 |
| 1988 | 12172 | 10143 |
| 1989 | 14130 | -1453 |
| 1990 | 14918 | 1710 |
| 1991 | 15885 | 8045 |
| 1992 | 15378 | 9942 |
| 1993 | 13081 | 12808 |
| 1994 | 16021 | 7436 |
| 1995 | 15102 | 6366 |
| 1996 | 17067 | 5817 |
| 1997 | 15206 | 10700 |
| 1998 | 14240 | 13823 |
| 1999 | 14128 | 18999 |
| 2000 | 15232 | 9688 |
| 2001 | 12715 | 7955 |
| 2002 | 10969 | 17174 |
| 2003 | 13980 | 11285 |
| 2004 | 15751 | 13211 |
| 2005 | 15524 | 18439 |
| 2006 | 17292 | 23723 |
| 2007 | 16505 | 39652 |
| 2008 | 18785 | 43346 |
| 2009 | 20358 | 38637 |
| 2010 | 19943 | 42346 |
| 2011 | 18827 | 47032 |
| 2012 | 18263 | 47343 |
| 2013 | 17713 | 40073 |
| 2014 | 18690 | 38155 |
| 2015 | 18331 | 29802 |
| 2016 | 18164 | 26076 |
| 2017 | 15859 | 21349 |
| 2018 | 14280 | 18103 |
| 2019 | 13811 | 25327 |
| 2020 | 12368 | 11327 |
Eit døme på korleis dette påverkar einskildkommunar er Oslo, der nettoinnvandringa for fyrste gong sidan 2000 er lågare enn 1 000. Tek ein med flyttingar til og frå andre norske kommunar, så hadde hovudstaden eit samla flyttetap på 1 800. Korkje nettoflyttinga eller folkeauken har vore så låg i Oslo sidan 2000.
– Fjerde kvartal 2020 var det fyrste fjerdekvartalet med nedgang i folketalet i Oslo sidan 2001. Likevel vaks byen med 3 500 personar i 2020 takk vere fødselsoverskotet, seier Magnus Haug.
Sjølv om det var færre innvandringar i 2020 enn i noko år sidan 2004, hadde Noreg ein samla folkeauke på 23 800. Haug peikar på to grupper som vaks i 2020:
– Stadig fleire bur i sentrale kommunar eller høyrer til eldre aldersgrupper, seier han.
Sentraliseringa held fram
Av dei 356 kommunane hadde 192 nedgang i folketalet, 160 hadde folkeauke, og det var stillstand i fire. Det lyt ein kalle ei jamn fordeling av vekst og nedgang – men det var stor skilnad på kva kommunar som utvikla seg i kva retning. Til dømes hadde kommunane med folkeauke ein gjennomsnittleg storleik på 27 100 innbyggjarar i byrjinga av året, mot 5 300 i kommunane med nedgang.
– Fleirtalet av kommunane hadde nedgang i folketalet, men fleirtalet av befolkninga bur i kommunar med folkeauke, kommenterer Haug.
Ein kan òg sjå korleis folkeauken fordeler seg på forskjellige sentralitetsnivå. Statistisk sentralbyrå deler kommunane inn i seks kategoriar etter kor sentrale dei er. Av dei 25 kommunane på dei to mest sentrale nivåa, var det ingen som hadde nedgang i folketalet. På dei to minst sentrale nivåa var det derimot nedgang i 153 av 209 kommunar, eller omlag tre av fire.
1 Det er middelfolkemengda som er brukt som folketal. Ho er gjennomsnittet av folketalet i starten og slutten av året.
Figur 3. Folkeauke per 1 000 innbyggjarar etter sentralitetsnivå, 2020¹
| Sentralitet | Vekst pr 1 000 innbyggjarar |
| 1 - mest sentrale kommunar | 7.003251163 |
| 2 | 8.206819147 |
| 3 | 5.952367901 |
| 4 | 1.133943525 |
| 5 | -3.582542481 |
| 6 - minst sentrale kommunar | -8.588920463 |
Av fylka var det Troms og Finnmark, Nordland og Innlandet som hadde nedgang i folketalet. Kommunane som har utgjort dagens Troms og Finnmark har ikkje hatt ein større samla nedgang sidan 1997, medan ein for Innlandet må attende til 1995 for å finne liknande tal.
– Desse fylka hadde låg eller ingen folkeauke alt før 2020, og fallet i innvandringa hjelpte ikkje i så måte. Men eit mindre innanlandsk flytteunderskot enn året før, gjorde at folkeveksten i Nordland ikkje var mindre i 2020 enn i 2019, sjølv om innvandringa fall og fødselsunderskotet vaks, forklarar Haug.
Aldringa heldt fram i 2020
Noreg er inne i ein periode der befolkninga vert stadig eldre, noko ho vil halde fram med også i åra framover, ifylgje SSB sine framskrivingar. Soleis var det 11 000 færre personar i alderen 0 19 år i byrjinga av 2021 enn på same tid i 2020, medan talet på personar over 66 år vaks med 22 200. Dermed var auken i talet på personar over 66 år nesten like stor som auken for heile befolkninga i alt – den totale folkeauken var 23 800.
Gjennomsnittsalderen auka med 0,27 år, og er no 40,78 år.
Figur 4. Befolkninga 1. januar, etter aldersgruppe. 1971-2021
| Category | 0-5 år | 6-12 år | 13-15 år | 16-19 år | 20-44 år | 45-66 år | 67-79 år | 80 år og over |
| 1971 | 394122.00 | 432162.00 | 185606.00 | 240759.00 | 1196452.00 | 1009136.00 | 343345.00 | 86723.00 |
| 1972 | 394417.00 | 435849.00 | 185454.00 | 244168.00 | 1208271.00 | 1011479.00 | 349085.00 | 89050.00 |
| 1973 | 392672.00 | 441020.00 | 184638.00 | 246327.00 | 1225820.00 | 1011385.00 | 355071.00 | 91301.00 |
| 1974 | 388026.00 | 446481.00 | 183844.00 | 246614.00 | 1243415.00 | 1009856.00 | 360336.00 | 94418.00 |
| 1975 | 380947.00 | 452489.00 | 183572.00 | 247393.00 | 1262723.00 | 1006433.00 | 366298.00 | 97670.00 |
| 1976 | 369950.00 | 459233.00 | 183081.00 | 247469.00 | 1281881.00 | 1002233.00 | 371898.00 | 101356.00 |
| 1977 | 359256.00 | 461730.00 | 185128.00 | 245740.00 | 1303965.00 | 995469.00 | 378751.00 | 105163.00 |
| 1978 | 345392.00 | 462809.00 | 188630.00 | 245799.00 | 1325626.00 | 988629.00 | 384936.00 | 109387.00 |
| 1979 | 333176.00 | 461876.00 | 192947.00 | 245660.00 | 1349903.00 | 977889.00 | 390853.00 | 113830.00 |
| 1980 | 323374.00 | 457239.00 | 196763.00 | 246506.00 | 1373876.00 | 966289.00 | 397467.00 | 117386.00 |
| 1981 | 314907.00 | 451354.00 | 198206.00 | 250814.00 | 1397533.00 | 954490.00 | 403367.00 | 121669.00 |
| 1982 | 309827.00 | 441056.00 | 200145.00 | 255298.00 | 1422174.00 | 944069.00 | 409062.00 | 125432.00 |
| 1983 | 307932.00 | 427356.00 | 201619.00 | 260450.00 | 1445901.00 | 935375.00 | 413613.00 | 130265.00 |
| 1984 | 306993.00 | 413984.00 | 200407.00 | 264181.00 | 1468127.00 | 928130.00 | 417938.00 | 134593.00 |
| 1985 | 305744.00 | 400471.00 | 198825.00 | 266758.00 | 1491172.00 | 920285.00 | 424012.00 | 138578.00 |
| 1986 | 305669.00 | 388166.00 | 195647.00 | 269359.00 | 1515749.00 | 913924.00 | 428985.00 | 141688.00 |
| 1987 | 307112.00 | 378369.00 | 192616.00 | 268183.00 | 1543668.00 | 908466.00 | 431435.00 | 145672.00 |
| 1988 | 310916.00 | 370324.00 | 187238.00 | 268406.00 | 1570607.00 | 901114.00 | 440550.00 | 149133.00 |
| 1989 | 317646.00 | 366078.00 | 179535.00 | 265602.00 | 1592136.00 | 901645.00 | 445774.00 | 152270.00 |
| 1990 | 326451.00 | 363163.00 | 171895.00 | 258460.00 | 1598706.00 | 908868.00 | 449294.00 | 156279.00 |
| 1991 | 336648.00 | 362945.00 | 163293.00 | 254229.00 | 1602278.00 | 918718.00 | 452294.00 | 159425.00 |
| 1992 | 346423.00 | 362866.00 | 159036.00 | 246019.00 | 1604512.00 | 938002.00 | 453537.00 | 163239.00 |
| 1993 | 354492.00 | 364811.00 | 157448.00 | 235745.00 | 1609796.00 | 957102.00 | 452457.00 | 167316.00 |
| 1994 | 361332.00 | 368894.00 | 158335.00 | 226276.00 | 1614190.00 | 975037.00 | 451046.00 | 169705.00 |
| 1995 | 363999.00 | 375596.00 | 158007.00 | 218532.00 | 1617037.00 | 993453.00 | 448306.00 | 173480.00 |
| 1996 | 365145.00 | 383554.00 | 157892.00 | 214193.00 | 1616334.00 | 1011308.00 | 445030.00 | 176503.00 |
| 1997 | 364967.00 | 394331.00 | 156842.00 | 212467.00 | 1614206.00 | 1028451.00 | 441128.00 | 180322.00 |
| 1998 | 364007.00 | 405198.00 | 156599.00 | 212928.00 | 1610129.00 | 1047832.00 | 436493.00 | 184413.00 |
| 1999 | 362566.00 | 414815.00 | 156866.00 | 213381.00 | 1608964.00 | 1069027.00 | 431289.00 | 188421.00 |
| 2000 | 363539.00 | 423446.00 | 160173.00 | 212949.00 | 1609632.00 | 1091251.00 | 427485.00 | 190022.00 |
| 2001 | 362458.00 | 429370.00 | 163889.00 | 212674.00 | 1605850.00 | 1115495.00 | 416799.00 | 196901.00 |
| 2002 | 358563.00 | 432405.00 | 170128.00 | 213407.00 | 1599041.00 | 1140915.00 | 408148.00 | 201459.00 |
| 2003 | 353730.00 | 435762.00 | 177202.00 | 215714.00 | 1598643.00 | 1166058.00 | 400080.00 | 205063.00 |
| 2004 | 350556.00 | 435192.00 | 184525.00 | 220083.00 | 1593297.00 | 1190474.00 | 394144.00 | 209186.00 |
| 2005 | 349626.00 | 432856.00 | 188544.00 | 227335.00 | 1589361.00 | 1214707.00 | 390779.00 | 213155.00 |
| 2006 | 347815.00 | 432455.00 | 190203.00 | 235513.00 | 1590623.00 | 1237400.00 | 390334.00 | 215876.00 |
| 2007 | 348049.00 | 432602.00 | 189163.00 | 244387.00 | 1596946.00 | 1260240.00 | 391585.00 | 218162.00 |
| 2008 | 351164.00 | 430842.00 | 188723.00 | 252217.00 | 1615854.00 | 1284643.00 | 395134.00 | 218594.00 |
| 2009 | 357451.00 | 428010.00 | 189664.00 | 256305.00 | 1638836.00 | 1312372.00 | 396983.00 | 219631.00 |
| 2010 | 363597.00 | 425646.00 | 192099.00 | 258415.00 | 1656097.00 | 1337202.00 | 405121.00 | 220022.00 |
| 2011 | 368576.00 | 424638.00 | 192810.00 | 259309.00 | 1678123.00 | 1359812.00 | 415884.00 | 221153.00 |
| 2012 | 372428.00 | 424921.00 | 191488.00 | 259718.00 | 1703611.00 | 1379093.00 | 433018.00 | 221583.00 |
| 2013 | 375014.00 | 426509.00 | 190264.00 | 261666.00 | 1728068.00 | 1396542.00 | 451627.00 | 221585.00 |
| 2014 | 375744.00 | 428077.00 | 190040.00 | 262789.00 | 1744961.00 | 1408723.00 | 477962.00 | 220760.00 |
| 2015 | 373954.00 | 433578.00 | 188886.00 | 262481.00 | 1759513.00 | 1424649.00 | 502304.00 | 220437.00 |
| 2016 | 370121.00 | 441838.00 | 186284.00 | 262536.00 | 1769024.00 | 1439486.00 | 524671.00 | 220025.00 |
| 2017 | 366772.00 | 447901.00 | 185352.00 | 262705.00 | 1774275.00 | 1455310.00 | 545022.00 | 220980.00 |
| 2018 | 362601.00 | 451079.00 | 186608.00 | 260605.00 | 1776723.00 | 1471644.00 | 563607.00 | 222752.00 |
| 2019 | 356139.00 | 452818.00 | 188647.00 | 257853.00 | 1779999.00 | 1487062.00 | 579695.00 | 225999.00 |
| 2020 | 351159.00 | 451246.00 | 191130.00 | 255214.00 | 1789814.00 | 1501597.00 | 596710.00 | 230710.00 |
| 2021 | 343764 | 448573 | 192510 | 252943 | 1792220 | 1511702 | 613250 | 236407 |
Nedgang i talet på fødde – men ikkje grunna korona
Fødselstalet fall vidare i 2020, då det vart fødd 1 500 færre born enn i 2019. Det var femte gongen sidan 2011 at det gjekk ned med meir enn 1 200 på eitt år, så fallet var ikkje unormalt stort – men den langvarige utviklinga med fallande fødselstal heldt i alle høve fram. I alt vart 9,8 born fødd per 1 000 innbyggjarar i 2020, mot 12,6 eit tiår tidlegare, i 2010.
SSB legg fram detaljert fødde-statistikk 11. mars. Då vil vi til dømes kunne seie meir om korleis fruktsemda utviklar seg i høve til alder- og kjønnsstrukturen i befolkninga. Her skal vi berre minne om at nedgangen i fødselstalet i 2020 kun i minimal grad kan skuldast korona-pandemien, ettersom dei aller fleste borna som vart fødde i 2020 vart unnfanga i god tid før korona-tiltaka vart innførte.
– Dessutan fall fødselstalet mindre i fjerde kvartal enn i både fyrste og tredje kvartal, jamført med same kvartal i 2019. Dersom pandemien har påverka kor mange born som vert fødd, vil det i fyrste omgang påverke føddestatistikken for 2021, påpeikar Haug.
Udramatiske dødetal
I alt var det 73 færre døde i 2020 enn i 2019. Både SSB og Folkehelseinstituttet har tidlegare skrive om utviklinga i dødetala gjennom dei fyrste månadene med koronapandemi i Noreg. 11. mars publiserer SSB detaljerte dødetal for heile 2020.
Finn tal for din kommune
Under finn du lenker til tabellar med nøkkeltal for alle kommunar sortert etter fylke.
Les også på ssb.no
Statistikkar
-
Innvandrere og norskfødte med innvandrerforeldre
Statistikk over innvandrere og norskfødte med innvandrerforeldre
-
Fødte
Statistikken viser antall fødte i løpet av et år
-
Døde
Statistikken viser antall døde i løpet av et år
-
Flyttinger
Gir tall for flytting til og fra Norge og mellom norske kommuner
-
Andre nettstader
Folkehelseinstituttet
Analysar, artiklar og publikasjonar
Et historisk skifte: Snart flere eldre enn barn og unge
Publisert 3. juni 2020Norge eldes i et økende tempo. Om bare ti år vil det for første gang være flere eldre enn barn. Det forventes ikke at koronapandemien øker dødeligheten, men derimot reduserer fruktbarhet og innvandring på kort sikt.
Les meir
Voksende byer og aldrende bygder
Publisert 18. august 2020Norge vokser, men veksten er svært ujevnt fordelt. Byene og områdene rundt vil få sterk befolkningsvekst i årene framover, mens mange distriktskommuner vil oppleve en nedgang i folketallet.
Les meir
Ingen overdødelighet i Norge under koronapandemien
Publisert 25. september 2020I motsetning til en del andre land har ikke Norge hatt overdødelighet under de første månedene av koronapandemien. Det har vært litt forskjellig utvikling i dødelighet i ulike deler av befolkningen, men generelt var dødeligheten noe lavere i perioden fra mars til juni i år enn i årene før.
Les meir
Kontakt
-
Magnus Haug
-
Ane Margrete Tømmerås
-
Kåre Vassenden
-
SSBs informasjonstjeneste