Befolkning, 2. kvartal 2016

Folketilveksten på 13 600 er 1 100 høgare enn i 2. kvartal 2015. Auken i folkeveksten heng i hovudsak saman med ein auke i innvandringa som auka meir enn utvandringa sett i høve til tilsvarande periode i 2015. I tillegg auka fødselsoverskotet med om lag 100 frå 6 200 til 6 300. Auken i fødselsoverskotet skyldast at det var noko færre dødsfall i 2 kvartal i år samanlikna med 2. kvartal i fjor samtidig som det ble født omtrent like mange i dei to kvartala.

Talet på innflyttingar frå utlandet auka med i overkant av 1 500 samanlikna med 2. kvartal i fjor, ein auke som heng saman med at asylsøkjarane som kom i fjor no er komne med i tala på innvandringar. Talet på utvandringar auka med i overkant av 500 til 8400. I høve til første halvår i fjor ser vi likevel ein nedgang i folketilveksten på 800. Det heng saman med at vi i 1. kvartal i år så eit relativt stort fall i innvandringa sett i høve til 1. kvartal i 2015. Hittil i år har vi ein nedgang i nettoinnflyttinga frå utlandet på 1 900 medan fødselsoverskotet er 1 100 høgare enn i fjor.

Stor innvandring frå Syria

Nettoinnvandringa av statsborgarar frå Øst-Europa, som hovudsakeleg har innvandra på grunn av arbeid, fortsetter å minke, medan nettoinnvandringa frå land med konfliktar aukar. I 2. kvartal ble heile 2 900 syriske statsborgarar registrert som innvandra. Det var òg ei stor auke i innvandringa av eritreiske statsborgarar. Svært få statsborgarar frå desse landa utvandra. Innvandringa frå Polen og Litauen fortsetter å minke. Samstundes er det framleis mange statsborgarar frå desse landa som utvandrar.

Nettoinnvandringa frå Sverige har vært negativ i 2. kvartal heilt sidan 2011. Først i 2015 begynte vi å sjå negative tall også i nokon av dei andre kvartala for Sverige. Ser vi heile 2015 under eit var det omtrent like mange svenske statsborgarar som innvandra og utvandra. I 1. kvartal 2016 var nettoinnvandringa av svenske statsborgarar positiv igjen med 58 fleire inn- enn utvandringar, medan det i 2. kvartal reiste 271 fleire svenske statsborgarar enn det kom.

Vekst i alle fylka

Alle fylka hadde befolkningsvekst i 2. kvartal, noko som til stor del skyldast innvandringsoverskotet frå utlandet. Men fødselsoverskotet bidrar relativt meir til folketilveksten no enn for nokre år sidan. I dei fem fylka Oslo, Rogaland, Akershus, Hordaland og Sør-Trøndelag bidrog fødselsoverskotet meir til folketilveksten enn nettoinnflyttinga frå inn- og utland.

Prosentvis auka folketalet mest i Aust-Agder og minst i Oppland i 2. kvartal. Hedmark og Oppland var dei einaste fylka med negativt fødselsoverskot, her døydde det fleire enn det vart fødd. Oslo hadde det største fødselsoverskotet med 1 900 fleire fødde enn døde. Nettoinnflyttinga frå utlandet var relativt sett størst i Aust-Agder, Finnmark samt Sogn og Fjordane. Lågast nettoinnflytting frå utlandet var det i Rogaland. Størst prosentvis nettoinnflytting frå andre delar av landet hadde Akershus, Østfold og Vestfold, medan Troms, Finnmark og Oslo hadde størst netto utflytting til dei andre fylka.