8033_not-searchable
/energi-og-industri/statistikker/osi/arkiv
8033
Framleis kraftig auke i ordretilgangen
statistikk
2007-02-16T10:00:00.000Z
Energi og industri;Nasjonalregnskap og konjunkturer
no
osi, Ordreindeks for industri (opphørt), ordretilgang, ordrereserve, hjemmemarked, eksportmarkedIndustri og bergverksdrift, Konjunkturer, Energi og industri, Nasjonalregnskap og konjunkturer
false

Ordreindeks for industri (opphørt), 4. kvartal 2006

Publisering av statistikken Ordreindeks for industri er opphørt fra og med 1. kvartal 2018. En årsak er at statistikken tidligere var en del av Eurostats forordning om korttidsstatistikk, men dette kravet ble fjernet i 2012. Det publiseres imidlertid indikatorer for ordretilgang og ordrebeholdning i Konjunkturbarometer for industri og bergverk.

Innhold

Publisert:

Du er inne i en arkivert publisering.

Gå til nyeste publisering

Framleis kraftig auke i ordretilgangen

Ordretilgangen i industrien synte sterk vekst gjennom heile 2006. Positiv utvikling både i heime- og eksportmarknaden var årsaka til dette. Samla ordrereservar nådde eit svært høgt nivå i 4. kvartal.

Ordretilgang og ordrereservar totalt. Ujustert. 1995=100

Samla ordretilgang i industrien var 21,2 prosent høgare i 4. kvartal 2006 enn i den same perioden i 2005, medan ordrereservane hadde ein vekst på 46 prosent i det same tidsrommet. Oppgangen i ordretilgangen var knytt til næringar som transportmiddelindustri, metallindustri, kjemikaliar og kjemiske produkt og metallvareindustrien.

Veksten i transportmiddelindustrien hang saman med ein markert oppgang i innanlandsk ordretilgang. Samla ordrereservar har hatt ein auke på 85,5 prosent sidan 4. kvartal 2005 og var rekordhøge for denne næringa.

Endringane i metallindustrien var knytt til ein ytterlegare auke i ordretilgangen innanfor ikkje-jarnhaldige metall. Her var det ein oppgang på 44 prosent i 4. kvartal 2006 samanlikna med den same perioden i 2005. Gode eksportprisar i 2006 har medverka til denne utviklinga. Ordrereservane auka med 11,9 prosent i det same tidsrommet.

Ordretilgang og ordrereservar i næringa kjemikaliar og kjemiske produkt var svært høge i 4. kvartal 2006. Det var ein vekst på 34,3 prosent i tilgangen, medan reservane auka med 15,8 prosent samanlikna med 4. kvartal 2005.

Ordretilgangen i metallvareindustrien viste ein klar auke i 4. kvartal 2006, og den var 34,9 prosent høgare enn i den same perioden i 2005. Samla ordrereservar i næringa har hatt ein auke på 46,4 prosent i det same tidsrommet.

For internasjonale samanlikningar viser SSB til EUROSTAT (EU).

Verdiendring i ordretilgang og -reserve. Prosent
 
NæringTilgang (trend) 1Reserve (ujusterte)
2.kv.06 - 3.kv.063.kv.06 - 4.kv. 064.kv.05 - 4.kv.06
 
Total19,39,846,0
Kjemiske råvarer35,226,414,1
Metallindustri36,032,611,5
Maskinindustri28,612,0106,1
Oljeplattformer-3,3-6,32,3
 
1  Tala viser den årlege endringa i trendserien, rekna på grunnlag av endringa fra førre kvartal omrekna til årsvekst.
 

Tabeller

Tabeller til publiseringen