Skattelikninga (opphørt), 2003

Av samla utlikna skatt etter frådrag i skatt vart 235,8 milliardar utlikna på personar, medan selskapa sto for 128,9 milliardar kroner.

Meir skatt til kommunane

Utlikna skatt etter frådrag i skatt til kommunane utgjorde 95,7 milliardar kroner i 2003. Dette er 13,2 milliardar kroner meir enn året før. Auken var størst for fylkeskommunane med 7,6 milliardar kroner. Utlikna statsskatt vart redusert frå 215,2 milliardar i 2002 til 209 milliardar i 2003. Ei viktig årsak til auken i utlikna skatt til kommunane er endringa i fordelinga av inntektsskatten mellom kommunane og staten. Skatteprosenten til primærkommunane auka frå 12,4 i 2002 til 13 i 2003, medan tilsvarande endring i skatteprosenten til fylkeskommunane var 1,9 i 2002 til 3,24 i 2003.

3,7 prosent auke i medlemsavgifta

Medlemsavgifta til folketrygda (etter skattereduksjon ifylgje paragraf 17) utgjorde 60,1 milliardar i 2003, ein auke på 2,2 milliardar kroner frå året før.

Frådrag i skatt

Samla skattefrådrag utgjorde 36,9 milliardar kroner i 2003, mot 29,5 milliardar i året før. Tre fjerdedelar av samla skattefrådrag i 2003 er godtgjerslefrådrag eller frådrag for skatt utlikna på aksjeutbytte. Dette utgjer 26 milliardar kroner i 2003, ein auke med nesten 22 prosent frå året før.

Om statistikkgrunnlaget

Statistikken byggjer på Skattedirektoratets likningsregister for personlege skattytarar og likningsregister for etterskotspliktige skattytarar.

Tabeller:

• Tabell 1 Utlikna skatt, etter skattekreditor og personar/selskap. 2002-2003. Millionar kroner
• Tabell 2 Skattefrådrag og utlikna skatt. 2002-2003. Millionar kroner