Skattelikninga (opphørt), 2004

Brutto utlikna skatt utgjorde til saman 452 milliardar kroner, mens frådrag og nedsetjingar i skatt utgjorde 29 milliardar. Dette gav 250 milliardar kroner i utlikna skatt for personar, mens selskapa vart likna med 173 milliardar.

Meir til kommunane - mindre til fylka

Utlikna skatt til primærkommunane var på 84 milliardar kroner, ein auke på 8 prosent samanlikna med 2003. Fylkesskatten utgjorde 15 milliardar kroner, noko som var 2,5 milliardar kroner mindre enn året før. Vridinga i utlikna skatt mellom kommune og fylke kjem av endringar i fordeling av skattøre mellom kommune, fylke og stat. Skatteprosenten til kommunane auka frå 13 i 2003 til 13,2 i 2004, fylka fekk redusert skatteprosenten frå 3,24 til 2,6, mens fellesskatten auka frå 11,76 til 12,2 prosent.

Nedgang i skattefrådrag

Samla frådrag i skatt utgjorde 29 milliardar, der personar fekk 23 milliardar og selskap 6 milliardar. Dette er ein samla nedgang i skattefrådrag på nærmare 7 milliardar kroner frå året før. Nedgangen kjem i stor grad av at inntekter på aksjar og andre eigedelar vart skattefrie for selskap i 2004. Godtgjerslefrådraget for personar auka med 2 milliardar kroner til vel 17 milliardar i 2004.

Om statistikkgrunnlaget

Statistikken byggjer på utdrag frå Skattedirektoratet sitt register over likninga for personlege og etterskotspliktige skattytarar.

Tabeller:

• Tabell 1 Utlikna skatt, etter skattekreditor og personar/selskap. 2003 og 2004. Millionar kroner
• Tabell 2 Skattefrådrag og utlikna skatt. 2003 og 2004. Millionar kroner