Fiskeri (avslutta i Statistisk sentralbyrå), 2005, førebelse tal

Norske fiskarar fekk utbetalt 11 prosent meir i førstehandsverdi i 2005 samanlikna med 2004. Medrekna reker, skaldyr og skjel utgjorde førstehandsverdien 11,5 milliardar kroner, mot 10,4 milliardar kroner året før. Norske båtar leverte 2,4 millionar tonn fisk, som er om lag 6 prosent lågare enn i 2004.

Torsk og skrei mest verdt

Seifisket gjekk opp med om lag 9 prosent til 229 000 tonn i 2005, og førstehandsverdien auka med 30 prosent. Fangstmengda for både torsk og hyse minka med 3 prosent, medan førstehandsverdien gjekk opp med respektive 6 og 14 prosent. Medrekna i tala for torsk og hyse er også fisket frå norske fartøy på russisk kvote.

Fangsten av torsk og skrei tilsvara 9 prosent av total fangstmengd, men heile 26 prosent av total førstehandsverdi, og er det viktigaste fisket når det gjeld verdi. For kolmule er dei tilsvarande tala 31 prosent av fangstmengda og 5 prosent av førstehandsverdien.

Mykje til frysing

Den største delen av fangsten, 51 prosent, gjekk til frysing og farse. Fersk fisk utgjorde 8 prosent av fangsten, medan 32 prosent gjekk med til produksjon av mjøl, olje og dyrefôr. All fangsten av augepål, kolmule og tobis går med til denne produksjonen.

Utanlandske fartøy leverte 169 000 tonn fisk og skaldyr i Noreg i 2005. Verdien av dei utanlandske landingane var 1,6 milliardar kroner.

Statistikken byggjer på opplysningar frå Fiskeridirektoratet per 23. januar 2006.

Tabeller:

• Tabell 1 Fangstmengd av dei viktigaste fiskeslaga. 2001-2005. 1 000 tonn rund vekt
• Tabell 2 Førstehandsverdi av dei viktigaste fiskeslaga. 2001-2005. Millionar kroner
• Tabell 3 Fangstmengd, etter bruken av fangsten. 2001-2005. 1 000 tonn rund vekt