Fiskeri (avslutta i Statistisk sentralbyrå), 2007, førebelse tal

Sildefangsten auka med 25 prosent frå 2006 til 2007. Fangstverdien for silda gjekk ned med 1 prosent og er framleis 2,2 milliardar kroner. Silda utgjorde 19 prosent av total fangstverdi og 37 prosent av total fangstmengd.

Fangstmengda for torsk minka med 2 prosent, medan førstehandsverdien gjekk opp med 11 prosent. Fangsten av torsk tilsvara 9 prosent av total fangstmengd, men heile 30 prosent av total førstehandsverdi, og er det viktigaste fisket når det gjeld verdi.

Fangstmengda for hyse auka med 3 prosent, medan fangstmengda for sei minka med 13 prosent. Førstehandsverdien gjekk opp med 7 prosent for hyse og ned med 10 prosent for sei.

Fangsten av kolmule minka med 16 prosent, men utgjorde likevel 23 prosent av den totale fangstmengda i 2007.

Den største delen av fangsten, 68 prosent, gjekk til konsum, medan 32 prosent gjekk til industri. Tilnærma all fangst av kolmule, tobis, augepål og ein stor del av brislingen gjekk til industri i 2007.

Utanlandske fartøy leverte 289 000 tonn fisk og skaldyr i Noreg i 2007. Verdien av dei utanlandske landingane var 2,1 milliardar kroner.

Statistikken byggjer på opplysningar frå Fiskeridirektoratet per 29. januar 2007.

Tabeller:

• Tabell 1 Fangstmengd av dei viktigaste fiskeslaga. 2003-2007*. 1 000 tonn rund vekt
• Tabell 2 Førstehandsverdi av dei viktigaste fiskeslaga. 2003-2007*. Millionar kroner
• Tabell 3 Fangstmengd, etter bruken av fangsten. 2003-2007*. 1 000 tonn rund vekt