32049_not-searchable
/priser-og-prisindekser/statistikker/hkpi/arkiv
32049
Harmonisert indeks opp 0,3 prosent
statistikk
2003-03-10T10:00:00.000Z
Priser og prisindekser;Inntekt og forbruk
no
hkpi, Harmonisert konsumprisindeks, HKPI, inflasjon, EU-land, EØS-land, prisutvikling, prisvekst, varegrupper (for eksempel matvarer, bustad, tranport), tenestegrupper (for eksempel teletenester, hotell og restaurantar)Konsumpriser, Forbruk, Inntekt og forbruk, Priser og prisindekser
false

Harmonisert konsumprisindeks, 15. februar 2003

Innhald

Publisert:

Du er inne i ei arkivert publisering.

Gå til den nyaste publiseringa

Harmonisert indeks opp 0,3 prosent

Harmonisert konsumprisindeks (HKPI) for Noreg var 117,9 i februar (1996=100), ein oppgang på 0,3 prosent frå januar. Frå februar 2002 til februar 2003 steig HKPI for Noreg med 4,1 prosent, ein nedgang frå 4,2 prosent i januar. Tolvmånadersveksten i EØS-området var 2,1 prosent i januar.

HKPI auka med 0,3 prosent frå januar til februar. Høgare prisar på bensin var ei av årsakene til prisoppgangen. Nedgang i elektrisitetsprisane dempa prisveksten. Tolvmånadersveksten i HKPI var 4,1 prosent i februar, ned frå 4,2 prosent i januar. Sjå Konsumprisindeksen for fleire detaljar.

Harmonisert konsumprisindeks. Prosentvis endring frå same månad året før

Tolvmånadersveksten i EØS-området

Konsumprisane i EØS-området steig med 2,1 prosent frå januar 2002 til januar 2003. I Irland og Noreg auka prisane mest med høvesvis 4,7 og 4,2 prosent. Den lågaste prisveksten vart registrert i Tyskland med 1,0 prosent, etterfølgd av Island med ein auke på 1,1 prosent i konsumprisane.

Eigenbetaling til utdanning auka mest med 4,9 prosent, og det er store variasjonar mellom landa. I Danmark auka eigenbetalinga med 24,7 prosent, medan i Sverige gjekk den ned med 7,7 prosent. Prisane på alkoholhaldige drikkevarer og tobakk steig med 4,1 prosent frå januar 2002 til januar 2003. I Irland og Island auka alkoholhaldige drikkevarer og tobakk med høvesvis 11,8 og 9,3 prosent. Prisar på varer og tenester innanfor transport auka i alle landa i EØS-området dei siste tolv månader. Totalt sett gjekk prisane opp med 4,1 prosent.

Prisar på klede og skotøy trekte ned konsumprisane i EØS området. Ti av dei 17 EØS-landa har hatt fallande prisar på klede og skotøy dei siste tolv månader.

Tala for Tyskland har vorte revidert tilbake frå januar 2000 til desember 2002 som ein følgje av metodiske endringar, og er merka førebelse. Dette har også påverka tala for eurosona, EU og EØS.

Konsumprisveksten i eurosona frå januar 2002 til januar 2003 var på førehand estimert av Eurostat til 2,1 prosent, medan den faktiske prisveksten vart 2,2 prosent. Forventa vekst i konsumprisane i eurosona i februar er 2,3 prosent. Tolvmånadersveksten for EU var 2,1 prosent i januar.

Harmonisert konsumprisindeks for Noreg og andre utvalde land. Endring i prosent
  årsvekst 2001-2002 Desember 2001-desember 2002 Januar 2002-januar 2003 Februar 2002-februar 2003
Noreg 0,8 2,6 4,2 4,1
Island 5,3 1,9 1,1  
Sverige 2,0 1,7 2,6  
Danmark 2,4 2,6 2,6  
Finland 2,0 1,7 1,4  
Tyskland 1,3* 1,1* 1,0*  
Storbritannia 1,3 1,7 1,4  
EøS 2,1* 2,2* 2,1*  
EU 2,1* 2,2* 2,1*  
Eurosona 2,2* 2,3* 2,2*  
USA1 1,6 2,4 2,6  
Japan1 -0,9 -0,4 ...  
1  Nasjonal konsumprisindeks.
*  Førebels tal.
Kjelde:  Statistisk sentralbyrå og EUROSTAT.