Prisindeks for førstegangsomsetning innenlands, 15. august 2001

Prisane på brenselstoff, smørjeoljer og elektrisk straum gjekk opp 0,9 prosent frå juli til august. Tilsvarande oppgang for maskiner og transportmidlar var 0,4 prosent. Bearbeidde varer og råvarer hadde dei kraftigaste nedgangane, med respektive 0,6 og 0,9 prosent. Begge gruppene har med dette vist ein fallande tendens hittil i år, i motsetning til fjoråret da gruppene viste oppgang gjennom same periode.

12-månadersendringa, august 2000-august 2001; prisvekst -0,2 prosent

For første gong i år vart 12-månedersendringa for indeksen samla negativ. Dette kjem i hovudsak av nedgang i prisane for brenselstoff og råvarer. Brenselstoff, smørjeoljer og elektrisk straum gjekk ned 8,7 prosent. Bak dette låg ein 12,4 prosents nedgang i prisane på mineralolje og mineraloljeprodukt. Råvarer gjekk ned 4,1 prosent i denne perioden. Årsaka til dette var nedgang i prisane på malm og avfall av metall, samt papirmasse og papiravfall. Sterkast oppgang var det i hovudgruppa matvarer som steig 5,4 prosent.

Utviklinga i 12-månadersendringa

12-månadersendringa totalt fortset å falle slik ho har gjort sidan april. Frå å vere 0,3 prosent i juli gjekk ho ned til -0,2 prosent i august. Dette er første gongen sidan januar 1999 at prisane ein månad er lågare enn same periode året før. Den siste nedgangen kjem i stor grad av lågare prisar på brenselstoff og bearbeidde varer. Brenselstoff ligg no på -8,7 prosent, etter å ha vore 17,8 prosent i april og -6,6 prosent i førre månad. Dei bearbeidde varene gjekk frå 0,9 prosent i juli til -0,4 prosent i august. Hovudsakleg er det utviklinga i prisane på metall som ligg bak nedgangen denne gruppa har opplevd så langt i år. Også 12-månadersendringa til råvarene har stort sett vist fall så langt i år.

Trass i uendra prisar frå førre månad viser matvarer den sterkaste veksten i årsendringa. Denne gruppa gjekk frå 4,7 prosent i førre månad til 5,4 prosent i august grunna ein 0,7 prosents nedgang i prisane frå juli til august i fjor.