Prisindeks for førstegangsomsetning innenlands, 15. februar 2003

Prisane på brenselsstoffar, smøreoljer og elektrisk straum gjekk ned 1,2 prosent frå januar til februar. Nedgangen kjem av 16,2 prosent lågare prisar på elektrisk straum. Etter tal frå Nordpool sin systempris for månaden har prisen på elkraft gått ned over 30 prosent frå januar til februar i år. I motsett retning trakk prisane på mineralolje og mineralprodukt, kor oppgangen var på 7,4 prosent. Matvarer hadde ein minimal auke på 0,1 prosent, mens råvarer gjekk ned 1,7 prosent. Bearbeidde varer og maskiner og transportmidlar falt også i pris med 0,1 og 2,2 prosent.

På heimemarknaden gjekk prisane ned med 0,8 prosent. Prisnedgangen kjem også her av lågare prisar på straum.

12-månadersendring, februar 2002 til februar 2003: 10 prosent auke

12-månadersendringa for totalindeksen blei 10 prosent. Auke i brenselsstoff, smøreolje og elektrisk straum på 40,4 prosent var hovudårsaka til denne utviklinga, kor båe mineralolje og mineralprodukt og elektrisk straum auka med 26,2 og 103,3 prosent. 12-månadersveksten for elektrisk straum som har vori prega av høgare prisar i over eit halvt år, viser for fyrste gong sidan juni 2002 ein nedgang. Fleirtalet av hovudgruppene viste også ein nedgang i denne perioden med unntak av drikkevarer og tobakk.

Blant hovudgruppene hadde råvarer og matvarer ein prisnedgang på 6 og 0,5 prosent samanlikna med februar i fjor.