Prisindeks for førstegangsomsetning innenlands, 15. august 2003

Prisane på brenselstoff, smørjeolje og elektrisk straum gjekk opp med 3,8 prosent frå juli til august. Oppgangen kjem i stor grad av høgare prisar både på mineralolje og mineraloljeprodukt - og elektrisk straum. Prisane på råvarer gjekk opp 0,5 prosent. Matvareprisane gjekk ned med 0,3 prosent. Samanlikna med juli kor prisane i denne gruppa viste berre prisoppgangar, har vi fleire prisnedgangar i august. Det kraftigaste fallet skjedde i prisane på grønsaker og frukt med 4,5 prosent, medan fiske- og kornprisane gjekk opp. Godt vær i august har gitt gode vekstvilkår for grønsaker som har ført til lågare prisar. Elles gjekk prisane på bearbeidde varer og kjemiske produkt opp med høvesvis 0,6 og 0,3 prosent.

På heimemarknaden gjekk prisane opp 1,4 prosent. Prisauken på energivarer var også her hovudårsaka til utviklinga.

12-månadersendring: Oppgang på 9,1 prosent

12-månadersendringa for indeksen samla blei 9,1 prosent. Fleirtalet av hovudgruppene viste oppgang i denne perioden. Største oppgang skjedde på produkt innanfor gruppa brenselstoff, smørjeolje og elektrisk straum- samt innanfor gruppa råvarer. Oppgangen i førstnemnde gruppe kjem av høgare straumprisar.

Matvarer og ymse ferdige varer hadde båe ein prisauke på 0,4 prosent. Råvarene viste her ein prisauke med 5,7 prosent, som kjem av høgare priser innanfor malmar og avfall av metall på 17 prosent.

Ein desimal frå januar 2004

Frå og med publiseringa av januar 2004 vil indeksane bli framstilte med ein desimal - i høve til dagens frigjeving med to desimalar. Årsaka til endringa er at to desimalar gjev eit overdrive inntrykk av presisjonen til estimata - som ikkje blir noko dårlegare med ein desimal. I tillegg har vi eit ønskje om å harmonisere med vanleg praksis- som er ein desimal.