Innhold
Publisert:
Du er inne i en arkivert publisering.
Høgt prisnivå på elektrisitet
Prisindeksen for førstegongsomsetning innanlands auka med 1,4 prosent frå august til september. Oppgangen var i hovudsak styrt av ein kraftig auke i prisen på elektrisitet. Med unntak av kjemiske produkt var det moderate prisendringar innafor dei andre varegruppene.
Prisindeksen for førstegongsomsetning innanlands gjekk opp med 1,4 prosent frå august til september. Størst innverknad på indeksen hadde dei økte prisane på brenselstoff, smørjeoljer og elektrisk straum som gjekk opp med 4,0 prosent frå førre månaden. Innafor denne varegruppa trakk elektrisitet og oljeprodukt i kvar sin retning. Medan prisen på elektrisitet auka nokså kraftig, sank prisane på oljeprodukta. Prisen på elektrisitet har auka markant frå mai til september i år, og med ei endring på 26,0 prosent frå august til september var spotprisen for september blant den høgaste som nokon gong er registrert på den nordiske kraftbørsen Nord-Pool. Årsaka til høgare spotpris er blant anna at behaldninga i vassmagasina har gått frå å vere svært høg til å nærme seg det normale, samt at det har vore ei utjamning av prisforskjellane mellom Nord- og Sør-Noreg. Innafor oljeprodukta var det i all hovudsak redusert pris på råoljen (Brent Blend) som var årsaka til ein nedgang på 4,5 prosent frå månaden før.
Prisen på kjemiske produkt auka med 4,2 prosent frå august til september, mest takka vere ein prisauke på 19,1 prosent for uorganiske kjemiske produkt. Innafor gruppa matvarer har det vore ein moderat auke i prisen frå siste månaden. Auken kjem i hovudsak av auka pris på heimemarknaden for korn og kornvarer, auka prisar på grønsaker og frukt og dyrefôr. Innafor dei andre varegruppene var det berre ei moderat prisendring.
Tolvmånadersendring: Prisane auka 13,7 prosent
Frå september 2007 til same månaden i år gjekk prisindeksen for førstegongsomsetning innanlands opp med 13,7 prosent. Ein prisauke på 57,3 prosent på brenselstoff, smøreoljer og elektrisk straum medverka betydeleg til oppgangen, og kjem i hovudsak av auka pris på elektrisitet og høgare oljeprisar. For kjemiske produkt var tolvmånadersendringa på 19,3 prosent, medan prisen på bearbeidde varer låg 8,7 prosent høgare i september enn tolv månader tidlegare, mest på grunn av økte prisar på jern og stål.
| September 2008 | Endring i prosent | ||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
|
August 2008-
september 2008 |
September 2007-
september 2008 |
||||||||||||||||||||||||||||||||||||||
| Totalindeks | 135,8 | 1,4 | 13,7 | ||||||||||||||||||||||||||||||||||||
| Matvarer og levande dyr | 119,7 | 0,7 | 4,7 | ||||||||||||||||||||||||||||||||||||
| Drikkevarer og tobakk | 125,5 | 0,3 | 5,0 | ||||||||||||||||||||||||||||||||||||
| Råvarer (ikkje-etande) ekskl. brenselsstoffer | 121,5 | -0,5 | 1,0 | ||||||||||||||||||||||||||||||||||||
| Brenselstoffer, smørjeoljer, elektrisk strøum | 233,6 | 4,0 | 57,3 | ||||||||||||||||||||||||||||||||||||
| Kjemiske produkt | 131,4 | 4,2 | 19,3 | ||||||||||||||||||||||||||||||||||||
| Bearbeidde varer | 126,2 | 0,4 | 8,7 | ||||||||||||||||||||||||||||||||||||
| Maskiner og transportmiddel | 102,3 | 0,6 | 1,1 | ||||||||||||||||||||||||||||||||||||
| Forskjellige ferdige varer | 105,0 | 0,7 | 1,4 | ||||||||||||||||||||||||||||||||||||
Tilleggsinformasjon
Kontakt
-
Produsentprisindeksen
E-post: produsentpris@ssb.no
tlf.: 21 09 40 00
-
Elisabeth Mælum
E-post: elisabeth.maelum@ssb.no
tlf.: 97 01 28 49
-
Monika Græsli Engebretsen
E-post: monika.graesli.engebretsen@ssb.no
tlf.: 40 90 23 71
-
Morten Madshus
E-post: morten.madshus@ssb.no
tlf.: 40 90 26 94