Innhold
Publisert:
Du er inne i en arkivert publisering.
Prisfall i dei fleste varegruppene
Prisnedgang i dei fleste varegruppene trekte prisindeksen for førstegongsomsetning innanlands ned 1,5 prosent frå januar til februar. To unntak var prisauke på matvarer og kjemiske produkt.
Prisindeksen for førstegongsomsetning innanlands enda på 127,1 i februar, noko som er ein nedgang på 1,5 prosent frå januar til februar. Årsaka til nedgangen var reduserte prisar i dei fleste varegruppene.
Råvarer og brenselstoff, smørjeoljer og elektrisk straum opplevde kraftig prisnedgang, med høvesvis 4,2 og 6 prosent lågare priser i februar. Blant råvaregruppene var prisutviklinga noko ulik, men det var i hovudsak lågare prisar på tømmer, trelast og kork, samt malmar og avfall av metall som trekte ned. Gruppa brenselstoff, smørjeoljer og elektrisk straum blei drege ned av 12,6 prosent lågare pris på elektrisitet og 4,3 prosent lågare prisar på mineralolje og mineraloljeprodukt.
Også gruppene tilverka varer og maskinar og transportmiddel viser prisnedgang frå januar til februar. Maskinar og transportmiddel har elles vore prega av ein samanhengande prisoppgang sia juni i fjor.
Høgare matvareprisar
Medan totalindeksen viser ein nedgang frå januar til februar, har prisane på matvarer og kjemiske produkt auka med høvesvis 1,3 og 0,9 prosent. Auken i matvareprisane har halde fram sia oktober i fjor, men har vore kraftigare sia desember. Prisauken på matvarer frå januar til februar kjem av høgare prisar innafor alle undergruppene forutan grønsaker og frukt. Blant undergruppene var prisauken kraftigast på korn og kornvarer (opp 3,4 prosent) og meierivarer og egg (opp 3,1 prosent).
Lågare tolvmånadersvekst
Frå februar 2008 til same månad i år gjekk prisindeksen for førstegongsomsetning innanlands opp med 0,3 prosent. Ein auke i matvareprisane på 7,1 prosent sia februar 2008 bidrog til å halde tolvmånadersendringa positiv.
Prisane for råvarer og brenselsstoff, smøreoljer og elektrisk straum gjekk ned med høvesvis 14,1 og 16,9 prosent frå februar 2008 til februar 2009. Dette bidrog til å trekkje tolvmånadersendringa i totalen ned. Begge desse varegruppene er prega av kraftigare prisnedgang frå februar 2008 til februar 2009 enn det som var gjeldande mellom januar 2008 og januar 2009.
| Februar 2009 | Endring i prosent | ||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Januar 2009-februar 2009 | Februar 2008-februar 2009 | ||||||||||||||||||||||||||||||||||||||
| Totalindeks | 127,1 | -1,5 | 0,3 | ||||||||||||||||||||||||||||||||||||
| Matvarer og levende dyr | 123,8 | 1,3 | 7,1 | ||||||||||||||||||||||||||||||||||||
| Drikkevarer og tobakk | 131,9 | 0,3 | 8,6 | ||||||||||||||||||||||||||||||||||||
| Råvarer (ikke spiselige) ekskl. brenselsstoffer | 106,9 | -4,2 | -14,1 | ||||||||||||||||||||||||||||||||||||
| Brenselsstoffer, smøreoljer, elektrisk strøm | 152,1 | -6,1 | -16,9 | ||||||||||||||||||||||||||||||||||||
| Kjemiske produkter | 126,5 | 0,9 | 11,5 | ||||||||||||||||||||||||||||||||||||
| Bearbeidede varer | 122,8 | -1,0 | 3,3 | ||||||||||||||||||||||||||||||||||||
| Maskiner og transportmidler | 106,8 | -0,2 | 5,3 | ||||||||||||||||||||||||||||||||||||
| Forskjellige ferdige varer | 109,4 | -0,4 | 5,9 | ||||||||||||||||||||||||||||||||||||
Tilleggsinformasjon
Kontakt
-
Produsentprisindeksen
E-post: produsentpris@ssb.no
tlf.: 21 09 40 00
-
Elisabeth Mælum
E-post: elisabeth.maelum@ssb.no
tlf.: 97 01 28 49
-
Monika Græsli Engebretsen
E-post: monika.graesli.engebretsen@ssb.no
tlf.: 40 90 23 71
-
Morten Madshus
E-post: morten.madshus@ssb.no
tlf.: 40 90 26 94