Prisindeks for førstegangsomsetning innenlands, 15. mai 2010

Etter skyhøge straumprisar i vinter har straumprisane falle, og nedgangen heldt fram i mai med eit fall på 11,3 prosent. Hovudårsaka til prisnedgangen i mai var lågare etterspurnad etter straum og dermed lågare systemprisar på Nord Pool, samt billigare straum til hushalda (sjå konsumprisindeksen for meir informasjon ). Prisane på mineralolje og mineraloljeprodukt gjekk ned med 2,9 prosent denne månaden, og prisfallet var høgast på heimemarknaden.

Matvarer er ei anna gruppe som medverka til nedgangen i den samla PIF i mai. Her var det først og fremst prisane på grønsaker og frukt, samt fisk og fiskevarer som fall kraftig i mai. Prisreduksjon på grønsaker og frukt var stor på importmarknaden og kjem av høgare produksjon av frukt og grønt i Europa.

Prisane på råvarer (ikkje etande) eksklusive brenselstoff steig med 7,3 prosent frå april til mai. Blant råvarene har det vore stigande prisar sidan mai 2009. I mai var råvareindeksen like høg som i juni 2007, då den var på sitt høgaste registrerte nivå nokon gong. Det er i hovudsak malm og avfall av metall, samt papirmasse og papiravfall som har medverka til prisauken i denne gruppa. Malm og avfall av metall har auka mest på importmarknaden, medan papirmasse og papiravfall har auka på både heime- og importmarknadene.

Høgare prisar i mai 2010 enn i mai 2009

Prisindeks for førstegongsomsetning innanlands auka med 6,2 prosent frå mai 2009 til mai 2010. Kraftig auke prisane på straum, mineralolje og mineraloljeprodukt, malm og avfall av metall samt metall (ikkje jern og stål) var hovudårsaka til tolvmånadersveksten i PIF.

Prisane på maskinar og transportmiddel gjekk derimot ned med 3,9 prosent i same tolvmånadersperioden. Ei mogleg forklaring på dette kan vere at den norske krona var sterkare i år enn i same perioden i fjor.

Sjølv om matvareprisane gjekk ned den siste månaden, har prisane på matvarer auka med 3,1 prosent frå mai 2009. Veksten i matvareprisane har vore kraftigare sidan byrjinga på 2005 enn tidligare år og fortstette også i 2010.