Statistisk sentralbyrås bibliotek er eit spesialbibliotek innan statistisk informasjon, offisiell statistikk og samfunnsøkonomi. I samlinga finst mellom anna all norsk offisiell statistikk gjeve ut av SSB gjennom tidene, og dessutan statistikk frå andre norske og internasjonale statistikkprodusentar. Offisiell statistikk blir i dag hovudsakleg publisert elektronisk og er ofte fritt tilgjengeleg i dei respektive utgivaranes databasar.
Biblioteket deltek også i det nasjonale utlånssamarbeidet som inneber at statistikk og anna materiale kan bestillast via andre bibliotek. Det meste av samlinga til biblioteket er tilgjengeleg for utlån.
Søk etter bøker og publikasjonar i søkesystemet ORIA.
Finn publikasjonar frå SSB
- Publikasjonar kan fritt lastast ned i PDF-format frå SSBs publiseringsarkiv.
- All historisk statistikk er digitalisert og elektronisk tilgjengeleg.
- Eksterne publiseringar frå SSBs forskingsavdeling er tilgjengelege via det opne vitenarkivet vårt.
Kontakt eller besøk biblioteket
Opningstider
Biblioteket er betent måndag til fredag 09.00–15.00. Besøk må avtalast på førehand, slik at vi betre kan hjelpe til med å finne fram til relevant statistikk og faglitteratur.
Besøksadresse
Akersveien 26, 0177 Oslo
Postadresse
SSBs bibliotek, Pb. 2633 St. Hanshaugen, 0131 Oslo