22806_not-searchable
/utdanning/statistikker/utgrs/arkiv
22806
Fleire elevar i grunnskolen
statistikk
2000-01-07T10:00:00.000Z
Utdanning;Innvandring og innvandrere;Offentlig sektor
no
utgrs, Elevar i grunnskolen, barneskolar, ungdomsskolar, kombinerte skolar, spesialundervisning, private skolar, skolestorleik, morsmålsopplæring, målform, bokmål, nynorsk, PC-tilgangGrunnskoler, KOSTRA, Utdanning, Innvandring og innvandrere, Utdanning, Offentlig sektor
false

Elevar i grunnskolen, 1. september 1999, førebelse tal

Variantar av denne statistikken:

  • Årleg
  • Årleg, førebelse tal (valgt)

Innhald

Publisert:

Du er inne i ei arkivert publisering.

Gå til den nyaste publiseringa

Fleire elevar i grunnskolen

Ved inngangen til skoleåret 1999/2000 var det i alt 580 000 elevar i grunnskolen. Dette er vel 11 000 fleire enn året før. Veksten vil halde fram i dei nærmaste åra.

Flest elevar i grunnskolen er det i Akershus med 64 300, medan grunnskolane i Finnmark har færrast, med 10 000. Medan 245 500 elevar går i småskolesteget (1.-4. klassesteg), går 174 300 elevar i mellomsteget (5.-7. klassesteg) og 158 300 i ungdomssteget. I snitt er det 20 elevar per klasse, det same som dei to siste åra.

Med i alt 3 271 skolar er det i snitt 177 elevar per skole. Tilsvarande tal for skoleåret 1998/1999 var 174 elevar. I alt er 81 av skolane private. Det er ti fleire enn i fjor. Dei private skolane har nesten 9 400 elevar som utgjer 1,6 prosent av alle elevane. I skoleåret 1998/1999 var det knapt 9 000 elevar i dei private skolane.

Framskriving av elevar i grunnskolen. Skoleåret 1999/2000=100

Sjølv om grunnskolen blei utvida til ti klassesteg hausten 1997, er det i dag færre elevar enn det som var i skoleåret 1979/1980. I 1992/1993 snudde førebels utviklinga med lågare elevtal. Nye framskrivingar syner også at talet på elevar i grunnskolen vil halde fram med å auke til vel 619 000 i skoleåret 2004/2005, før det igjen blir færre. I skoleåret 2009/2010 vil det vere knapt 610 000 elevar, medan talet på elevar vil vere tilbake til same nivå som i år i skoleåret 2015/2016.

Framskrivingane syner også store forskjellar mellom dei tre trinna i grunnskolen. På småskolesteget vil talet på elevar halde seg stabilt fram til skoleåret 2003/2004, for så å falle i åra fram mot 2015/2016. Talet på elevar vil i skoleåret 2015/2016 vere vel 91 prosent samanlikna med talet på elevar i år. På mellomsteget vil talet på elevar stige med 7 prosent fram til skoleåret 2002/2003 for så å falle til same nivå som i dag i skoleåret 2015/2016. For ungdomssteget vil talet på elevar stige med heile 18 prosent i åra fram mot 2006/2007, medan det i 2015/2016 vil vere 13 prosent fleire elevar enn i år. Framskrivingane er laga ut ifrå forventingar om middels fruktbarheit, middels levealder, middels innvandring og middels sentralisering.

Tabeller: