Elevar i grunnskolen, 1. oktober 2002

Urdu var framleis det språket som klart flest elevar fekk morsmålsopplæring og tospråkleg fagopplæring på, sjølv om talet gjekk ned frå 2001. I 2002 fekk meir enn 2 800 elevar morsmålsopplæring på urdu. Andre store språk var arabisk, somalisk, vietnamesisk, kurdisk og albansk. Fleire enn 1 000 elevar fekk morsmålsopplæring på kvar av desse språka. Arabisk, somalisk, kurdisk, dari, thai og pashto var bland dei språka som hadde auke i talet på elevar med morsmålsopplæring i 2002. I alt var det meir enn 100 ulike morsmål det blei gjeve morsmålsopplæring og tospråkleg fagopplæring på.

Nærare 34 000 elevar fekk hausten 2002 særskild norskopplæring. Det er 5,6 prosent av alle elevane i grunnskolen.

Flest elevar med morsmålsopplæring i Oslo, Akershus, Hordaland og Rogaland

Oslo, Akershus, Hordaland og Rogaland hadde flest elevar som fekk morsmålsopplæring og tospråkleg fagopplæring. Desse fire fylka hadde om lag halvparten av alle elevar som fekk morsmålsopplæring. Ein tredel av alle elevane som fekk særskild norskopplæring var busette i Oslo.

9 prosent av elevane i Finnmark har samisk som målform

Nærare 90 000 elevar i grunnskolen hadde i 2002 nynorsk som målform. Det er 14,7 prosent av alle elevane i grunnskolen. I overkant av 519 000 hadde bokmål som målform. Litt meir enn 1 000 elevar hadde samisk som målform. Det er mindre enn 0,2 prosent av alle elevane i grunnskolen i Noreg. Dei fleste elevane med samisk målform var i Finnmark. I Finnmark hadde om lag 9 prosent av alle elevane samisk som målform.

Tabeller:

• Tabell 1 Grunnskolar, etter skoleslag. Elevar i grunnskoleutdanning. Skoleåra 1979/80-2002/03
• Tabell 2 Elevar i grunnskoleutdanning, etter fylke. Skoleåret 2002/03. Endelege tal
• Tabell 3 Elevar per klasse i grunnskolen. Skoleåra 1982/83-2002/03. Endelege tal
• Tabell 4 Nye og nedlagde skolar, etter fylke. September 2001-oktober 2002. Endelege tal
• Tabell 5 Elevar i grunnskolen, etter klassesteg. Skoleåret 2002/03. Endelege tal
• Tabell 6 Skolar, etter skolestorleik (elevtal). Skoleåra 1997/98-2002/03. Prosent. Endelege tal
• Tabell 7 Elevar, etter skolestorleik (elevtal). Skoleåra 1997/98-2002/03. Prosent. Endelege tal
• Tabell 8 Talet på skolar, klassar, elevar i alt, etter kommune. 1. oktober 2002
• Tabell 9 Elevar med morsmåls-, tospråkleg og særskild norskopplæring, etter fylke. 1. oktober 2002
• Tabell 10 Elevar med morsmåls- og særskild norskopplæring. Skoleåra 19921
• Tabell 11 Elever som får morsmålsopplæring og1, etter morsmål. 1. oktober 2002
• Tabell 12 Elevar, etter elevens målform og fylke. 1. oktober 2002