Opna konkursar, 3. kvartal 2003

Til no i år er det opna 3 993 konkursar. 35 prosent er konkursar innan enkeltpersonsføretak inklusive personlege konkursar. Det er flest konkursar innanfor varehandel, eigedomsdrift, forretningsmessig tenesteyting og utleigeverksemd, bygg- og anleggsverksemd, samt hotell- og restaurantverksemd. 60 prosent av konkursane innanfor bygg- og anleggsverksemd er konkursar innan enkeltpersonsføretak inklusive personlege konkursar.

Store regionale skilnader

Samanlikna med 2. kvartal i år har det vore ein nedgang i talet på konkursar, utanom i Vest-Agder, Rogaland, Møre og Romsdal og Nordland. Nedgangen har vore størst i Akershus og Sogn og Fjordane.

Medan talet på konkursar for heile landet har auka med 15 prosent i høve til 2. kvartal 2002, har det vore ein auke på heile 82 prosent i Nordland. Østfold har hatt ein auke på 60 prosent og Buskerud ein auke på 50 prosent. I Telemark, Vestfold, Oslo, Oppland og Sogn og Fjordane har det vore ein nedgang i talet på konkursar.

Føretakskonkursar eksklusive enkeltpersonsføretak aukar mest

Samanlikna med 3. kvartal 2002 har talet på føretakskonkursar eksklusive enkeltpersonsføretak auka med 18 prosent og talet på konkursar innan enkeltpersonsføretak inklusive personlege konkursar har auka med 9 prosent.

Innanfor hotell- og restaurantverksemd har talet på konkursar auka med 57 prosent. Talet på føretakskonkursar eksklusive enkeltpersonsføretak har auka med 77 prosent, medan det er 13 prosent færre konkursar innan enkeltpersonsføretak inklusive personlege konkursar. Innanfor bygg- og anleggsverksemd har talet på både føretakskonkursar eksklusive enkeltpersonsføretak og konkursar innan enkeltpersonsføretak inklusive personlege konkursar auka med 25 prosent. For varehandel har det vore ein auke i konkursar totalt på 5 prosent. Men her har føretakskonkursar eksklusive enkeltpersonsføretak auka med 9 prosent, medan konkursar innan enkeltpersonsføretak inklusive personlege konkursar har hatt ein nedgang på 11 prosent. Størst auke i konkursar innan enkeltpersonsføretak inklusive personlege konkursar har det vore innanfor eigedomsdrift, forretningsmessig tenesteyting og utleigeverksemd med 89 prosent. Talet på konkursar totalt innanfor denne næringa har auka med 17 prosent.

Meir i Statistikkbanken

I Statistikkbanken finst tal for opna konkursar attende til 1999. Konkursar kan her fordelast etter næring, organisasjonsform, etableringsår og storleik etter omsetning og sysselsette. Også tal på omsetning og sysselsette totalt innafor kvar næring er tilgjengeleg, men ikkje brote ned på meir detaljert nivå. Talet på konkursar er tilgjengeleg på fylkesnivå og nasjonalt nivå, medan omsetning og sysselsette i siste driftsår berre er tilgjengeleg på nasjonalt nivå.

Tabeller:

• Tabell 1 Opna konkursar, etter kvartal og fylke. 2002-3. kvartal 2003 (Rettet 27. juli 2004)
• Tabell 2 Opna konkursar, etter månad. 1995-2002 og 1. - 3. kvartal 2003 (Rettet 9. november 2005)
• Tabell 3 Opna konkursar etter næring, 3. kvartal 2002 og 2003 (Rettet 27. juli 2004)
• Tabell 4 Opna konkursar, omsetning og sysselsette, etter næring. 1. - 3. kvartal 2002 og 2003. Omsetning og sysselsette i siste driftsår (Rettet 27. juli 2004)
• Tabell 5 Opna konkursar i varehandel etter næring, 3. kvartal 2002 og 2003 (Rettet 27. juli 2004)
• Tabell 6 Opna konkursar i varehandel, omsetning og sysselsette, etter næring. 1. - 3. kvartal 2002 og 2003 (Rettet 27. juli 2004)
• Tabell 7 Opna konkursar i IKT-føretak, omsetning og sysselsette, etter næring. 3. kvartal 2002 og 2003 (Rettet 27. juli 2004)
• Tabell 8 Opna konkursar, etter etableringsår og fylke. 3. kvartal 2002 og 2003 (Rettet 27. juli 2004)
• Tabell 9 Opna konkursar, etter fylke og aksjekapital. 3. kvartal 2002 og 2003 (Rettet 27. juli 2004)
• Tabell 10 Opna konkursar, etter fylke og organisasjonsform. 3. kvartal 2002 og 2003 (Rettet 27. juli 2004)